КАФШЕРАК

КАФШЕРАК, васла (пайванд)-и лифӣ (фиброзӣ) байни узвҳои ҳамшафат. Сабаби асосии К. илтиҳоб мебошад. Бештар дар ҷавфи шикам, перикард, халтаи банд ба мушоҳида мерасад. Баъзан дар ҷавфи шикам баъди амалиёти ҷарроҳӣ ё дар натиҷаи бемориҳои илтиҳобӣ К.-ҳои сершумор ба вуҷуд меоянд.
К. ба фаъолияти мӯътадили узв (рӯда, шуш, дил) халал ворид месозад. Дар натиҷаи К.-ҳои сершумор мумкин аст ҷавфи серозӣ пурра баста гардад. Баста шудани ҷавфи банд боиси инкишофи анкилози фиброзӣ мешавад.