ЕВСТАХИИТ

ЕВСТАХИИТ, бемории найи сомеа (найчаи Евстахиев), ки боиси ихтилоли ҳавогирии гӯши миёна мешавад. Е. ба бемории ҷавфи нақорамонанд робитаи зич дорад. Бинобар ин бисёр вақт ҳар ду бемориро муттаҳид карда, салпингоотит ё тубоотит меноманд. Е. шадид (ҳангоми грипп, назла) ва музмин мешавад.
Аломат ва ҷараёни маризӣ ба мавқеи он дар гӯши дохилӣ вобаста аст. Дар ибтидои беморӣ нишонаҳои ангезиши лабиринт (садо додани гӯш, сарчархӣ, дилбеҳузурӣ, суст шудани сомеа, ихтилоли мувозанат, қай) ба мушоҳида мерасанд.
Е.-ро бо доруҳои гуногун, баъзан бо усули ҷарроҳӣ табобат мекунанд.