Главная / Биология / ЭВОЛЮТСИЯИ ПРОТОБИОНТҲО

ЭВОЛЮТСИЯИ ПРОТОБИОНТҲО

Агар фарзияҳои тасвиршударо таҳлил кунем, ба хулоса омадан мумкин аст, ки инкишофи ин гуна системаҳои бо ҳам таъсиррасони «автоматҳои» органикӣ табиати тобиологӣ дошта, бо роҳи гуногун рафтааст ва муддати хеле зиёд давом кардааст. Вале самтҳои муҳими эволютсияе, ки ба пайдоиши системаи биологӣ оварда расонид, якчандтоянд: эволютсияи протобионтҳо, пайдоиши катализаторҳои фаъоли сафедавӣ, пайдо шудани коди генетикӣ ва усулҳои табдилёбии энергия.

Пайдоиши системаҳои энергетикӣ

Дар шароити Замин омили асосие, ки тавассути он дар маҳлули обӣ реаксияи молекулаҳои хурди органикӣ ба амал меояд, пайвастшавии ин молекулаҳо бо шаклҳои гуногуни фосфа тҳо мебошад. Дар вақти гузаронидани гурўҳҳои фосфатӣ энергия хориҷ ё фурў бурда мешавад, аз ҳамин сабаб, дар системаҳои биологӣ энергия захира шуда, баъд он дар реаксияи конденсатсия ё мубодилаи модда истифода мегардад. Ҳоло алоқаҳои серэнергиявие, ки байни фосфатҳо ва пайвастагиҳои органикӣ ҳосил мешаванд, гузаштани ҳамаи реаксияҳои биологиро таъмин месозанд. Аз эҳтимол дур нест, ки ин ба ҳуҷайраи содда ё протоҳуҷайра низ дахл дошта бошад.

Бисёр биомолекулаҳои хурди органикӣ бо иштироки миқдори зиёди об фақат дар мавриди фаъол сохтан бо фосфат ба чунин реаксия дохил мешаванд. Пас, ин тавр бошад, синтези полимерҳоро дар ҳуҷайраҳои содда, пайвастагиҳои мобайнии фосфатҳои фаъол низ таъмин менамоянд. Реаксияи конденсатсия бо ҷудошавии об ба раванди биохимиявии ҳозиразамон хос нест. Реаксия бо гузаронидани фосфат бошад, имрўз ва дар гузашта низ роҳи ягонаи ба вуҷуд овардани конденсатсияи мономерҳо мебошад. Барои гузаштани реаксияи дохилшавии фосфат манбаи серэнергияи фосфат зарур аст, ки шакли оддитарини он пирофосфат мебошад.

Ин молекула дар маҳлули обӣ ноустувор аст ва бароиҳамин ба хуҷайраи оддӣ фақат фосфати ҳалшудаи ғайриорганикӣ дастрас аст. Дар рафти эволютсия занҷирҳои дарозтари полипептидие, ки қобилияти тезонидани равиши реаксияҳои муайяни химиявиро доштанд, интихоб карда мешуд.

Пирофосфати барои реаксия зарур аз куҷо гирифта мешавад? Эҳтимол, ҳосилшавии пирофосфат яке аз хосияти муҳими метаболизми аввалини ҳуҷайраҳои содда бошад. Ҳуҷайраҳои фотосинтезкунандаи ҳозира ба сифати ҷамъкунандаи (аккумулятори) энергия аденозинтрифосфатро аз аденозиндифосфат синтез мекунанд. Ин раванд нисбат ба механизми ҳосил кардани пирофосфат, ки барои ҳуҷайраҳои содда хос аст, сермаҳсултар мебошад. Ивазшавии реаксияи конденсатсия бо ҷудо шудани об, реаксия бо гузаронидани фосфат асоси равандҳои биохимиявӣ дар ҳама организмҳои имрўза вуҷуд дошта, аз ҳуҷайраи якумини содда оғоз ёфтааст.

Ҳоло имконияти ташкил додани намунаи (модели) ба ҳақиқат наздики ҳуҷайраи соддаи давраҳои пешин дар обан борҳои хурд вуҷуд дорад. Аммо ин ҳуҷайраҳои содда аз он чизе, ки имрўз ҳуҷайра меномем, ба куллӣ фарқ доранд, зеро онҳо дорои дастгоҳи генетикӣ ва синтези сафеда нестанд.

Ҳар як полимери муваққатии дар ҳуҷайраи содда синтезшу да, дар шароити беҳтарин дар кадом як риштаи (силсилаи) насл фақат аз як ҳуҷайра ба ҳуҷайраи дигар дода шуда, пас аз муддате вайрон мешавад. Ҳанўз Фокс соли 1992 нишон  дода буд, ки молекулаҳои ихтиёран ташкилёфтаи полипептидӣ аз сабаби дар сатҳи руйпўши онҳо мавҷуд будани зарядҳои гуногун, бисёр хосиятҳои номахсуси фаъоли катализӣ доранд. ,

Аз ҳамин сабаб, протобионтҳои пептид-ҳояшон гуногун дар шароити мусоид вуҷуд доранд, зеро брои табдил додани молекулаҳои аз берун дохилшуда имко  нияти онҳо бештар аст. Агар дар чунин мавридҳо молекулаи сафеда ҳамчун катализатор чи қадар фаъол бошад, вай барои соҳиби (барандагӣ) он ҳамон қадар судманд мебуд.

Эҳтимол, дар ҳамин давра барқароршавии коди генетикӣ ба амал омадааст, яъне ҳамон шакли КДН ва КРН-е, ки системаи нуклеотидҳояшон ахбори муҳимро ба монанди фаъолияти катализаторӣ молекулаи сафеда мебурд.

Инчунин кобед

sobuni-siyoh

Собун барои доғи руй

Агар шумо ба сини балоғат расида ба гирифтори доғи рӯй шуда бошед пас барои тоза …