ДӯСТОВ Абдусамад

ДӯСТОВ Абдусамад, рентгенолог ва радиолог, доктори илми тиб (1992). Хатмкардаи ДДТТ ба номи Абӯалӣ ибни Сино (1974). Духтури терапевти минтақавии ноҳ. Айнӣ (1974 – 77), ординатори клиникии кафедраи ташхиси шуоъӣ ва терапияи шуоъии ДДТТ (1977 – 80), аспиранти Пажӯҳишгоҳи гастроэнтерологияи Вазорати тандурустии ҶТ ва баъд Ин-ти радиологияи тиббии АИТ ФР (1980 – 83), ходими хурди илмии шӯъбаи рентгенология ва радиология (1984 – 96), ҷонишини директори Пажӯҳишгоҳи гастроэнтерология (1996 – 2001). Аз с. 2001 роҳбари Маркази ташхис ва терапияи радионуклидии ҳамин пажӯҳишгоҳ. Дар Донишгоҳи шоҳии ш. Ливерпули Британияи Кабир (2003) ва Донишгоҳи ба номи Людвиг Максимилиани ш. Мюнхени Олмон (2005) курсҳои такмили ихтисосро гузаштааст. Бо дастгирии Агентии байналхалқӣ оид ба энергияи ҳаставӣ (МАГАТЭ) дар Пажӯҳишгоҳи гастроэнтерология Маркази ташхис ва муолиҷаи радионуклидиро ташкил кард. Муаллифи зиёда аз 100 асару мақолаҳои илмист. Таҳти роҳбарии ӯ 3 наф. рисолаҳои номзадӣ дифоъ намудаанд.
Ос.: Состояние гипофиз – адреналовой системы при хронических заболеваниях печени. «Здравоохранение Таджикистана», №3, 1986; Радионуклидные методы в изучении водно-солевого обмена при хронических гепатитах. «Здравоохранение Таджикистана», №5, Д., 1986; Методические рекомендации по комплексному определению водных секторов организма с помощью стабильных и радиоактивных изотонов, Д., 1990; Циклические нуклеотиды при хронических поражениях печени, «Проблемы ГАЭЛ», №1 (2), М., 1992; Фалокати Чернобил: ҷанбаҳои тиббӣ ва иҷтимоӣ, Д., 2000; Диагностика синдрома раздраженного кишечника. «Здравоохранение Таджикистана», №3, Д., 2003; Ловастатин в терапии желчнокаменной болезни и метаболическом синдроме, Проблемы ГАЭЛ», №1 – 2, М., 2004