Давлати башар -давлати умумиҷаҳонии қадими тоҷикон

Дар таърихи инсоният оё мо давлатеро дида метавонем, ки вай барҳақ умумияти таърихии одамонро ба вуҷуд оварда бошад?

Бале. Дар таърихи башар нахустин давлати умумиҷаҳонӣ, ки умумияти таърихии одамонро ба вуҷуд овард, ин давлати Ҳахоманишҳо, давлати умумиҷаҳонии қадими тоҷикон буд. Дуруст аст ки мо дар таърих хеле пеш аз Ҳахоманишҳо дар шимолу ҷануби ноҳияи Баҳрайннаҳрайн муттаҳидии оқилонаи ду кишвари бузург – Калда ва Ошурро низ мебинем, вале гап дар сари он аст, ки давлати калдониён натавонист дар таърих давлати мутамаркази байни этникӣ гардад.

Ин давлат ягонагии ичтимоиву иқтисодиро ба вуҷуд оварда, сабабгори сохти мустаҳками байни этникӣ гардид. Ягонагии иқтисодиро ба вуҷуд овардан дар чунин давлате ки аз соҳили дарёи Ому то баҳри Миёназамин, аз Осиёи Миёна то Бобулистон, аз Эрон то Мисрро фаро мегирифт, аз имкон дур буд, вале давлати Ҳахоманишҳо ҳамаи халқҳоро муттаҳид карда, аз соли 700 пеш аз милод то соли 331 пеш аз милод вуҷуд дошт.