Дарвеше мустаҷобуддаъват дар Бағдод падид омад. Ҳаҷҷоҷ ибни Юсуфро хабар карданд. Бихондаш ва гуфт:
– Дуои хайре бар ман бикўн.
Гуфт:
– Худоё, ҷонаш биситон!
– Гуфт:
– Аз баҳри худой, ин чӣ дуост?!
Гуфт:
– Дуои хайр аст туро ва ҷумла мусулмононро, то ту аз азоби ҳақ ва халқ аз балои ту бираҳанд.
Эй забардасти зердастозор,
Гарм то кай бимонад ин бозор?
Ба чик ор оядат ҷаҳондорӣ?
Мурданат беҳ, ки марудм озорӣ!