АРТЕРИИТ

АРТЕРИИТ (Arteritis), илтиҳоби девораҳои шараён. А. шадид ва музмин мешавад. А.-и шадид ҳангоми бемориҳои сироятии вазнин (домана, ҳасба, уфунат, грипп ва ғ.) дучор мешавад. Дар натиҷаи А. торҳои девораи шараён осеб меёбанд. Бисёр вақт ба иллати мазкур суддаҳои назди деворавӣ низ ҷур мегарданд. Хусусан А.-и мадданок, ки боиси маҳв ва аз фасад об шудани девораҳои артерия мегардад, хатарнок аст. А.-и музмин, одатан, дар мавриди бемориҳои сил, актиномикоз, сифилис, захми меъда ва ғ. ба мушоҳида мерасад.