Маҷмўи реаксияҳои синтези биологӣ мубодилаи пластикӣ ё анаболизм (аз юнонӣ anabole – авҷ) номида мешавад. Номи ин намуди мубодила моҳияти онро инъикос менамояд: аз моддаҳои содда, ки аз берун ба ҳуҷайра дохил мешаванд, моддаҳои монанд ба моддаҳои ҳуҷайра ба вуҷуд меоянд, яъне ассимилятсия мегузарад.
Ҳамаи равандҳои мубодилаи моддаҳо дар ҳуҷайра ва кулли организм зери назорати даст-гоҳи ирсӣ мегузаранд. Ва ин натиҷаи амалӣ гардидани ахбори генетикӣ мебошад, ки он дар ҳуҷайра воқеъ аст.
Акнун яке аз равандҳои муҳимтарини зуҳуроти ахбори ирсиро ҳангоми мубодилаи пластикӣ – синтези биологии сафедаҳоро дида мебароем.