Вузарои Анўшервон дар муҳимме аз масолеҳи мамлакат андеша мекарданд ва ҳар як рое ҳамезаданд ва малик ҳамчунин тадбире андеша кард. Бузарҷмеҳрро рои малик ихтиёр омад.
Вазирон дар ниҳонаш гуфтанд:
– Раъи маликро чӣ мазид дидӣ бар фикри чандин ҳаким?
Гуфт:
– Ба мўҷиби он ки анҷоми кор маълум нест ва рои ҳамгинон дар машият аст, ки савоб ояд ё хато. Пас, мувофиқати раъи малик авлитар аст, то агар хилофи савоб ояд, ба иллати мутобеати ў аз муоқибат эмин бошам, ки гуфтаанд:
Хилофи раъи султон раъй ҷустан,
Ба хуни хеш бошад даст шустан.
Агар худ рўзро гўяд шаб аст ин,
Бубояд гуфтан: инак моҳу парвин.