Sanavbar

Sanavbar — in darakhtro ba zaboni rusi sosna menomand, ki du nav ast: yakeash nar, on samar namedihad, faqat az shilmi on qatron hosil mekunand; digarash samari monandi dili gusfand dorad — in navi modai on ast. Samarash dar khomi yaklukht metobad va agar rasida gardad, donahoyash az ham shukufta, dar namud judo megardand. Behtarini on magzi tukhmash safed, bolida va ravgandori on ast.

Mizojash dar darajai sevum garm va khushk ast, vale bazeho dar darajai duvum guftaand. Mizoji barg va pustlokhi on garmtar ast az tukhmi on.

Hislathoi shifobakhshi on: barg va pustlokhi onro bikhurand, baroi dardi gulu, jarohati shush, band kardani khuni bini va qat gardonidani khuni jarohathoi nav doru meshavad. Har ruz 4,5 gramm suzanbarghoi onro kufta, bo shahdob biyoshomand, illathoi jigar, varam va dagalii onro daf mekunad. Agar in miqdor khushkashro bo obi sard bikhurand, darunro mebandad.

Bargi khushki onro kufta biposhand, joyi chokshuda va daridai uzvro pokiza sihat mekunad. Bo zoki surkh yakjo kufta biposhand, reshhoi raddiro shifo mebakhshad.

Barghoyashro dar ob jushonida, bo on ob gusl kunand, mondagiro bartaraf mesozad, kasaliro shifo mebakhshad, badanro az chirk pok menamoyad, badbuii araqi badanro daf mekunad. Agar dar on ob to nof daromada nishinand, bemorihoi maqadro ba ibro meovarad. Obero, ki dar on  barghoi in darakht jushonida shuda boshad, dar dahan gardonand, dardi dandonro taskin medihad. Onro sukhta, zanho khudro batakror ba dudash bidorand, hamrohaki tiflro khorij mekunad, hayzro ravon menamoyad.

Qatroni inro bimoland, muyi rekhtai mija va abruro meruyonad, baroi gudokhtani barjastagii gushti chashm az tarafi bini doru meshavad; baroi obravi, kamquvvatii chashm, shilpuqi va quturi on davo meboshad.

Bargi tarashro kufta guzoshta bandand, khunraviro az jarohatho man mekunad. CHubashro reza karda, dar sirko jushonida, on sirkoro dar dahan gardonand, dardi dandonro taskin medihad, inchunin dar dahan nigoh dorand ham, hamin asarro dorad.

Pusti reshaash bandkunandai darun va khushkkunanda ast. 9 grammashro kufta bikhurand, isholro mebandad, kharoshida shudani sathi daruni rudahoro shifo mebakhshad. Kuftai inro ba sukhtagii otash va az obi garm biposhand, zud ba ibro meovarad; va agar inro bo obi garm khamir sokhta guzoshta bandand, dardi uzvhoi latkhurdaro taskin medihad.

Mizoji dona, yane tukhmi sanavbari kalondarakht dar darajai duvum garm va dar yakum tar ast. Quvvatash to yak sol boqi memonad.

 Hislathoi shifobakhshi on: agar magzi donai inro bikhurand, quvvati boh mebakhshad, ishtihoro mekushoyad, asabhoro qavi megardonad, uzvhoi badanro mustahkam mekunad, girehhoro mekushoyad, shiddati bodhoi tezro meshikanad; baroi illathoi folij, kaj shudani ruy, karakhti, kuzoz (stolbnyak), larzak, zakhmhoi shush, dardi bugumho, ki az sardi boshand, bemorihoi jigar, zardparvin, istisqo, dardi gurda va khichak, ki sababash jam shudani safroi sukhta boshad, shifo mebakhshad.

Agar inro kufta, bo asal khamir sokhta, har ruz 14 gramm az on lesida bikhurand, folij va larzakro shifo mebakhshad: baroi bemorihoi shush va pok namudani in uzv az akhloti gafsgashta, pokizagii gurda, dur kardani surfai kuhna, khususan dushob hamroh karda biyoshomand, davo meboshad.

Magzi inro bo tukhmi bodiring yakjo kufta bikhurand, peshobro ravon mekunad, zakhmhoi gurda va khichakro sihat mekunad: agar bo obi chilmangushtak (semizut) biyoshomand, dardi medaro taskin medihad, badani nimjonro quvvat medihad, rutubathoi murdorro az badan daf mekunad. Tukhmi taru tozai inro bo pustash yakjo kufta, dar ob jushonida, on obro bo sharobi musallas daromekhta, az in tarkib har ruz 100 gramm binushand, surfai kuhna va zakhmhoi shushro daf menamoyad.

Magzi tukhmi sanavbari kalondarakhtro bo mudovamat bikhurand, uzvhoi notavon va sustgashtaro ba holi asliashon meovarad, gushti badanro sakht megardonad.

Tukhmi onro kufta, dar obi angur andozand va khud az khud on ba jush oyad, sharobi tukhmi sanavbar megardad. Nushidani in sharob nazlahoro man mekunad, surfaro taskin medihad, hazmi taom meovarad, isholi obdorro band mesozad, istisqoro (vodyankaro) shifo mebakhshad. Tukhmi sanavbarro bo talkhshuvoq yakjo kufta, ba meda guzoshta bandand, dardi rudahoro taskin medihad, yane dardi shikamro sokin mekunad.

Miqdori yak bor khurdan az magzi tukhmi on dar yak ruz to 7 gramm ast va az usorai on, ki obi barghoi onro dar oftob gafs gardonida boshand, to 10,5 gramm ast. Az obe, ki dar on barghoi sanavbar jushonida shuda boshad, meyori nushidanash 25 gramm ast.

Magzi tukhmi sanavbar dushvorhazm meshavad, ba odamoni garmmizoj zarar dorad, dardi sar mekunad, dilro bejo (behuzur) megardonad. Dar in holat sikanjabin va mevahoi tursh boyad bikhurand, ki ziyonash isloh yobad. Vale ba odamoni sardmizoj muvofiq ast. Agar baroi afzudani quvvati boh istemol kardani boshand, bo kunjid va asal bikhurand, zero in chizho ziyodkunandai quvvati onand. Boyad ziyoda az 12,5 gramm, ki yak-yak shikasta bikhurand, tanovul nanamoyand. Agar az had ziyod bikhurand, rudahoro ba dard meovarad, pechishi rudahoro sodir mekunad.

SHilmi sanavbar se nav meshavad: 1. Raqiqgar ast va shakh nameshavad, onro zifti tar menomand; 2. On ki tabiatan shakh ast, yane hangomi az darakhtash damidan khud ba khud dar hamon jo sakht megardad; 3. On ki bo otash bipazand, shakh megardad. Behtarini shilmi sanavbar on ast, ki rangash safedi moil ba zardi boshad va buyi sanavbar az on shamida shavad.

Mizojash dar darajai sevum garm va khushk asg. Mizoji navi otashdidai on garmtar ast az otashnadidai on. Hislathoi shifobakhshi on: 2,25 grammashro bo zardii tukhmi murgi nimpukhta va yo bo obe, ki dar on sabusi gandum jushonida shuda boshad, biyoshomand, baroi surfai kuhna, damkutahi va jarohati tari shush darmon meshavad. Agar in shilmro bikhoyand, surfai tarro davo meboshad, moddahoi zararnokro az mayna kashida berun megardonad.

SHilmi sanavbarro monandi tamoku ruzi avval yak dafa, ruzi duvum du dafa, ruzi sevum se dafa bikashand, baroi surfa, damkutahi va zakhmi shush davoi ajib meboshad. CHun lattaro ba in shilm olonda, dar oftob khushk karda, bemorii zukomi sard, tabi duruzdarmiyon dudi onro bishamand, hamon soat taskin medihad.

Inro kufta guzoshta bandand, jarohathoro ba ham ovarda sihat mebakhshad; baroi daf kardani khorish, qutur va dagalii pust darmon meboshad; agar bo gulnor yakjo kufta, guzoshta bandand, daridani ragho, inchunin nosurhoro ba ibro meovarad; barobari vazni on tukhmi zagir hamroh namuda, kufta bandand, ozakhhoi ovezoni maqadro, ki tabibon az iloji on ojiz omada boshand, daf mekunad; inchunin baroi kafidani pusti poyho dorust, bavosirro daf menamoyad va baroi isloh kardani kajii nokhun tasiri khub va purrae dorad.

CHun yak juz shilmi sanavbar, zarnikhi surkh (sernistiy mishyak), sargini zargush, ravgani buz — az har se nisf juz — hamaro soida, dar otash gudokhta, qursho bisozand, har yak qurs 2,25 gramm boshad. Dar vaqti hojat yak qursro bo otashi muloim dud kunand va dudi onro ba vositai naycha har ruz se bor ba darun bikashand, baroi surfa va zakhmi shush davoi khele khube meboshad. CHun yak juzi onro dar ruyi otash gudokhta, barobari vazni on tukhmi zagir, nisf vazni on safedobi qalai (olovyannie belila) dar on andokhta, az otash furud ovarand, baroi ba ham chasponidani dahani jarohathoi nav davoi khub meboshad va jarohati kuhnaro pok megardonadu onhoro sihat mebakhshad.

SHnlmi sanavbar dar badanhoi sakht gusht meruyonad, vale dar badanhoi muloim varamhoro ba amal meovarad. CHun shilmi sanavbarro bo nisf vazni on zarnikh, murch hamroh karda, bo ravgani bodom pukhta, monandi marham guzoshta bandand, donai bavosirro daf mekunad, lekin sakht ba dard meovarad. Iloji in bo molidani safedii tukhmi murg, safedob va bo khurdani shiri navjushida hosil karda meshavad.