Ruyan dar Kanzi SHifo (Kitob)

Ruyan (ba zaboni russi — marena krasilnaya ) — In rastani du nav ast: sahroi va bogi. Bogi, yane bustoniashro ziroat mekunand. Murod az in reshaash ba kori rangrezon lozim ast. Reshaash surkhi tira ast. Samarash kulula, badi rasidan siyoh megardad. Giyohash maydai shakhshul, faqat yak poya dorad, barghoyash girdak, samarash anbuh, dar miyoni barghoyash jo giriftaast. In rastani dar sanglokhho va zaminhoi sakht beshtar meruyad.

Mizojash dar darajai duvum garm va khushk ast. Hislathoi shifobakhshi on: agar inro bo asal bikhurand, folij (shal shudani nimai badan ba darozi)-ro, ki bo behissii uzv boshad, shifo mebakhshad; kaj shudani ruy, sustu notavon gashtani azo va zardparvinro daf mekunad; medaro quvvat mebakhshad, peshobi bisyor gafs, hayz va shirro ravon mekunad, irqunnasoro ba ibro meovarad; agar bo sikanjabin bikhurasd, girehi jigar va sipurzro mekushoyad.

 3,5 gramm ruyanro bo 7 gramm reshai revoj (chukri) va yak piyola sharobi khurmo (yo buza) biyoshomand, baroi zarba khurdan (az jumla chalaqidani mayna) va sakht aftodan davo meboshad. Samari onro bo sikanjabin bikhurand, sipurzro ba darajae pok va sof megardonad, ki yoftani on amri muhol megardad; jigarro az moddahoi begona pok mesozad va girehhoi in har du uzvro mekushoyad. Inchunin har yak qismi ruyanro bo sikanjabin bikhurand, chunin tasirro dorad.

Har yak qismi in giyohro kufta guzoshta bandand, folij, kaj shudani ruy, karakhti va digar bemorihoi sardmizoji asaboniro shifo mebakhshad; shirincha, sabusaki sar, shukufai pust va dogi safedi pustro ba ibro meovarad; inchunin doghoi az zarba khurdan va aftodan dar pust paydoshudaro ham daf mekunad.

Agar inro kufta, zanho az tag bardorand, hayzi bandgashtaro jori mekunad, bacha va hamrohaki tiflro az shikami homila meaftonad. Reshaashro kufta, bo asal sirishta guzoshta bandand, dogi kunjidak va doghoero, ki az tasiri oftob ba ham rasida boshand, nest megardonad; inro bo sirko daromekhta guzoshta bandand, shukufa va dogi safedi pustro barham medihad, inchunin har dogero, ki dar pust aftoda boshad, pok mekunad.

Reshai Ruyanro soida, bo taom bikhurand, baroi kasone, ki sagi devona gazida boshad, darmon meshavad. Bargu shokh va samari on — hama taryoqi zahrhoi jonvaron ast. Har yak qismi ruyanro batanhoi bikhurand ham, hamin tasirro dorad. Hurdani ruyan binobar bashiddat peshobron budanash ba khichak zarar dorad, hatto khun memezonad. Baroi dafi in zararhoyash katiro boyad bikhurand. Ba sar ham ziyonkor ast — in zararro bo khurdani arpabodiyon isloh metavon kard.

Miqdori yak bor khurdan az on dar yak ruz 4,5 gramm ast va agar jushonida, obashro nushidani boshand, dar ob 14 gramm andozand. Har kase, ki qasdi khurdani ruyan doshta boshad, boyad, ki har ruz hammom bakunad.