Home / Gunogun / PULI SIROT: Hikoya (Kitobi elektroni)

PULI SIROT: Hikoya (Kitobi elektroni)

Bachem, kosaro toza kun, – guft Abdullo Hol, muysafedi qoqinai haftodsola, rishi zardash ba tartib qaychizadashuda va dar chashmoni khokistarii andake ba kosakhonaashon fururaftaash aynak. SHishahoi aynakash gafs budand. Andozai on, az aftash, kalon va yo yagon murvati gushakash sust shuda bud, ki muysafed az du gushaki on rezin basta, girdi sarash guzaronida bud. –  Savob megiri, behuda naguftaand: Az on ruze, ki bihishtro ato kard, savobi kosalesonro hudo kard. Giriftani kitob ba purragi >>>>

puli-sirot

– Hamasha khurdam-ku, bobohon, – guft naberai u, pisarbachai haft-hashtsolai rezaandom, ba kosa ishora karda.

Muysafed kame az hoyi khud gehida kosaro ba dast giriftu bo angushti ishoratii andake kah va darozash bafurha atolai davri onro gun doshta, lesidan girift. Pisarbacha az boboyash chashm namekand.

– Hama shirai khurok dar kuni kosa memonad, – guft muysafed nasihatomez. – Baroi hamin, heh goh khurokro dar kuni kosa namon. Ham kosa toza meshavadu savob megiri, ham shirai khurokro mekhuri. CHi gufti?

– Fahmidam, – guft pisarbacha.

– Borakalloh, honi bobo, ku yak sanhida bin, – kosaro ba naberaash daroz kard muysafed.

Pisarbacha ba bobo taqlidkunon bo angushtoni khurdakakash ba zavq atolai kosaro toza karda, melesid va az chi boshad, zavq karda mekhandid. Nogahon kosa az dastash aftidu ba piyolai rui dastarkhon barkhurda, onro shikast.

– Eh laluk, – modarash, ki in lahza dar dast choyniki choy ba khona vorid shuda bud, onro kunhi dastarkhon guzoshta, ba rui pisar shappotie zad.

– Man khostam kuni kosaro toza kunam, – guft pisarbacha, chashmu labonash ba girya moil shuda.

– Murdi az gurusnagi! Deg puri khurok, ser nashuda boshi, gap zan, meoram. Heh goh namondi, ki yak piyola choya be gam khuram.

– Boboyam guftand, ki agar toza kuni, savob megiri, – guft pisarbacha bo dasti atolaoluda chashmonashro pok karda.

– Un dasti chirkina ba chashmat nazan, – ba bandi dasti pisarbacha zad modar. – Boboi tu yak umr savob, hisobu kitob gufta, ayshi hamaro talkh kardand. Baroi hamin ham, padarat mumsik, shabushka kushta, khunasha melesad. Tarbiyai padara giriftagi. Sarfakori ham, bo ebash budagist, – nigohashro ba muysafed kuchond kelin.

Nigohho ba ham barkhurdand. Muysafed nomalum sar hunbonida, az dil guzarond: «Aybu sharma namedoni magar… Avval yak bor gireboni khudatro bu kash, ana bad binii misli binii bibiyat puchuqro ba guli digaron daroz kun». Alalkhusus honibi shavhar sangi tahqir partoftani kelin ba piramard khush naomad. «Okhir vay shavharash, soyaboni sar, padari farzandonash!». Bad khayolan pisarashro malomat kard, ki lahomi in betamizro ba ikhtiyori khudash mondaast. Magar mardi khona ham, hamin khel sust meshavad!

– Az subhi sodiq shumoro kadom gunda gazid, kelin, – guft muysafed, bo ohangi ranhish.

– E bezor shudam az nasihatkhonihoii shumo. Ruzam medihed yo ne?! YAk aftu basharai in bacharo bined. Odob yod mediham gufta, dastu ruyu ostinhoi kurtaasha az atola olonded. SHukri Hudo zamona seriyu puri, bozarho puri non. CHi in qadar shumoyu bachatona fisrayu larza giriftaast? Bad… digar bas kuned hamin atolakhuriatona! Az ruze ki shumo omaded, bachahom yagon khuroki durust nakhurdand. Ruz dar miyon «Kelinhon, atola paz». Ba gayr az shumo dar in khona digarho ham hastand, dilashon digar khel khurok mekashad. Bachaton boyi dakadang nest, ki  man har ruz du deg monam.

Muysafed ba in monologi kelin, ki hangomi asabiyona az tan kashidani kurtai pisarbachaash ba zabon ovard, noiloh gush doda, namedonist chi biguyad.  Aniqtarash chi guftanashro medonist, chand ruz boz az qoshu qavoqi misli havoi sardi zimiston giriftai kelin darunash puri gap shuda bud, ammo az in kutohandeshii kelinash lol monda bud. U heh fahmida nametavonist, ki charo kelini yak zamon dukhtari oddii dehotiash, dar tuli dah-ponzdah soli  shahrnishin shudan misli buqalamun tagyir yoftaast.

– Otashin nashaved, kelin, oshatonro garm nakhured, – guft muysafed, bazur galayoni dilashro furu nishonda, – badi du-se ruz meravam. Bad chi khuroke ki dilaton mekhohad, tayyor karda, bo bachahoyaton mekhured. Digar soyai maro dar in khona namebined. Hazor gusfand kushta, takhti shohi guzored ham, digar qadamamro ba in ostona nameguzoram. Agar pisaram padar doram gufta, khabar girad, ikhtiyor dorad, dar aksi hol uro niz ba shumo bakhshidam. Faqat kelinhon, ihozat dihed, pesh az raftan ba naberahoyam yak voqiaro naql kunam. Harchand az nasihatkhonihoi man ba in tifli begunoh bezor shuda boshed ham, iltimos rad nakuned. Man, khudaton dida istodaed, yak odami pir, ba qavle oftobi sari kuh, ki medonad, digarbora fursat dast medihad yo ne? SHumo rozi?

Kelin dar havob chize nagufta, dastarkhonro gundoshtu honibi oshkhona raft.

– Peshtar biyo, bachem, – guft muysafed, ba pisarbachai az in tuyu manguihoi boboyu modarash hayratzada. – Ahamiyat nadeh, modarat dahoni bekor har gap guftan megirad. Mekhohi, az ovoni kudakiyam yak sarguzashti khudro ba tu naql kunam?

Pisarbacha bo alomati tasdiq sar hunbond va omada sari zonui boboyash nishast. Muysafed bo navozish mui sari uro bo panhahoyash shona zada, ogoz kard:

– Vaqte man dar hamin sinnu soli tu budam, zindagi bisyor sakht bud, qahtiyu qimati bud. Medoni baroi chi?

Pisarbacha bo alomati inkor sar hunbond.

 – O tu maktabkhon-ku, muallimonaton dar maktab chi dars medihand?

– Bobohon, man holo khurd, nav sinfi yakro tamom kardam, – guft pisarbacha. – Az akaam pursed, vay hama chiza medonad. Karat-karata purra az yod medonad.

– A, rost megui, honi bobo, man pir, bazan faromush mekunam, – guft muysafed az pasi sari naberaash busida.

– Dina dar nabudani shumo ocham ham, ba dadem guft, ki in muysafedi pir aqlashro khurdast.

– Bad dadet chi guft?

– Dahonatro push, qanchiq, gufta piyolaro parondand, – guft pisarbacha, chi khel piyolaro parondani padarashro bo dastonash nishon doda.

– SHoyad ochaat durust meguyad, man aqlamro khurdaam, ki ba khonai shumo omadam, – guft muysafed khastaholona. Ohangi gapash on qadar hazinu alamnok bud, ki hatto kudak ba riqqat omad.

– Ne, bobohon, shumo odami zur, bisyor afsona medoned, ba man maqul.

– Hazoron bor shukr, – izhori khursandi kard muysafed. – Lekin chize ki hozir man ba tu naql mekunam, afsona nest, haqiqatest, ki bo chashmoni khudam didam, dar hismu honi kudakiam ehsos kardam. On zamon hangi kalon bud bo nemisho. Hama mardon ba hang rafta budand, tanho pironu zanonu kudakon va mayubu masluqon monda budand dar aqibgoh. SHabu ruz kor mekardem. Mo dar sinnu soli tu hoyash oyad gandum darav mekardem, ob mekashidem, band mebastem. Azbaski khurd budam, zud monda meshudam, binobar in rahmi zanho omada, kudakoni shirmakashonro nazdam meguzoshtand, to nigohubin kunam yo baroi ob mefiristodand, bandina ham mekunondand. Badii kor dar on bud, ki mo heh goh noni seri namekhurdem.

– CHaro? – pursid pisarbacha.

– Nabud, hama chiz baroi front firistoda meshud, dar aqibgoh qahtiyu qimati bud. Odamon az gurusnagi varam karda, hon medodand. Rohbaron, shoyad baroi az dast nadodani dastoni kori va az murdan nahot dodani mardum, dar hoyi havlii hozirai Okhun Rahmat du-se deg monda, har ruz atola mepazondand. Ahli deha kosayu tabaq dar dast ba in ho meomadand, baroi khudu farzandonashon atola megiriftand. Mardum on havliro atolafront meguftand. Aniq namedonam,  in nomro rohbaron fikr karda budand va yo  mardum peshi khud chunin unvon dodand. SHoyad baroi on chunin nom nihodand, ki on solho dar zaboni khurdu kalon kalimai front bud: odamon hamin kalima dar khayolashon khob meraftandu bo hamin kalima dar zabon subh bedor meshudand.

Padaru modaram barvaqt az dunyo guzashtand. On vaqt man se-chorsola, barodaram yozdahsola va apaam haft-hashtsola bud. Moro momoyam tarbiya mekardand. In zani bihishti ba qavle obu otash, devkor budand. Gapu korashona az heh mard namemondand. Moro misli gurbamodar ba dandon gazida, kalon kardand, dar on solhoi gushnagiyu notinhi ba komi marg nadodand. Har ruz az atolafront hissai moro dar yak tabaqi chubin meovardand va onro boloi dastarkhon guzoshta, khured meguftand. Mo, ki doim gushna budem, on tabaqi atola baroyamon behtarin khuroki dunyo bud va darhol onro gird mekardem. Baroi on ki zud tamom nashavad, bo angusht lesida-lesida mekhurdem va kame boshad ham, shikamamon ser meshud, ba tanamon ramaq medamid. Ammo momoyam yagon bor hamrohi mo atola namekhurdand. Doimo dastarkhon partofta, tabaqro boloi on meguzoshtandu khudashon yagon darzro sari dast girifta, suzan mezadand va az dur atolakhurii moro nazora mekardand. Man to hol hayronam, ki un kas kay yak burda non mekhurdand. Harchand mekusham chunin manzararo peshi ru ovarda nametavonam. Misli gunhishk ovarda ba nuli mo medoshtandu khalos.

Ruze momoyamro tobashon gurekht va natavonistand baroi atola ravand. Akaam dar khona nabud, binobar in az man khohish kardand, ki hamon tabaqi chubinro girifta, baroi atola ravam. Vaqte ba atolafront rasidam, odam kam bud. Du-se zan bo navbat ba kosayu tabaqi odamon atola mekashidand. YAk nafar mard dar sari deg ruykhat dar dastash ba onho amr medod, ki ba kadom oila chand kafles atola boyad bidihand. Odamon du-du, se-se dar hamon nazdikiho rui zamin davra girifta, hissaashonro mekhurdand.

Man ham nasibaamro girifta, boloi onro bo ruymolchai gardi pushonidamu bo ehtiyot qadam zada, honibi khonaamon ravon shudam. Tanho az khayoli on ki badi chand daqiqa atola mekhurem, dahonam rahorah ob mekushod. Ammo qadammoniamro nametezonidam, ki maboda peshpo khuramu tabaqi atola az dastam aftad. Bo hamin guna hissiyoti shirin az nazdi mashid guzashta, ba tarafi rost gashtam va honibi mazor, ki kame durtar az havlii mo voqe bud, roh giriftam. Vaqte ba mazori kuhna nazdik shudam, nogoh az pasi on amaki Bahriddin paydo shud. Vay yak mardi badqavoqi siyohhurdai binikalon, dar ruyash dogi kunhitmonand dosht. Vaqte gap mezad, goh-goh zabonash megirift. Aniq namedonam, shoyad baroi hamin uro ba hang naburda budand. Vay ba hamon ahvol dar maktab muallimi mekard. Hulosa, Bahriddin-amakro dida, salom dodamu az nazdash meguzashtam, ki vay bo ishorai dast maro bozdosht.

– Kuho meravi? – pursid Bahriddin-amak.

– Hona, – havob dodam man.

– Dar ta-a-baqat chi dori?

– Atola.

– M-moyat ku?

– Bemor, dar khona khoband.

 Amaki Bahriddin, ba rosti bazan ba amak guftani on kasif zabonam namegardad, ba man nazdik shudu yak ba atrof nazar andokht, bad misli loshakhur nogahon tabaqro az dastam chang zada girift va dikak nishasta, bo yak hurt kashidan onro nim kard.

– Dihed… momohon… dihed meguyam! – bo tamomi ovoz dod zada, khudro sui u andokhtam man. Ammo vay bo yak dast maro tela doda, atolai boqmondaro niz dam kashid. Bad dar hamon holat tabaqro ba dastam doda, tahdidomez guft:

– A-agar ba momoyat gui, mekusham! Fah-fahmidi?! Guy, ki az dastam aftid.

On ruz man giryonu nolon bo tabaqi kholi ba khona omadam. Momoyam holi zori maro dida, sakht tarsidand va har zamon «CHi shud, ki zad?» guyon az oshkhona ob ovarda nushondand. Ammo vaqte az asli voqia khabar yoftand, tassaliyam dodand, ki heh gap ne, girya nakunam. Bad Bahriddinro «iloho kafan nabari, dar yak khona muriyu sad khona bu girad» guyon duoi bad karda, khonaro koftand, ammo chizi khurdanie paydo nashud. On shab mo, se nafar yatimoni gurusna, hamon tabaqi chubinro lesida-lesida, dar chashmonamon ashku dilamon pur az gussa va shikamamon gurusna ba hogah daromadem, ammo to subh khobamon nayomad.

– Bobohon, bad momoyaton ba on mard chi guftand? – pursid pisarbacha, yaqin az gurusna khobidani onho ba riqqat omada.

Makhsumzod Ravshan, Puli Sirot:  Hikoyaho, povestho, andeshaho.

Dushanbe, 2010, 258  sah.

Atolafront

Инчунин кобед

urolog

Urologi behtarin az Hinduston oktyabri 2021 ba Tojikiston meoyad

Dar Markazi tibbii «SHafran» muolijai bemorihoi uroloji be jarohi tariqi dastgohhoi endoskopi va lazeri az …