Oilai man khushbakht !

Man 20 dekabri soli 1966 ba dunyo omadaam. Dar guzashta tojikon ruzi tavalludro jashn namegiriftaand va aslan ba on khele ahammiyat ham namedodaand. Farzand asosan dar khona tavallud meshudaast va shahodatnomai tavalludashro har vaqt, ki fursat yoftand, megiriftaand. CHun, pas az mudda- te, mohho yo hatto solho bad, baroi shahodatnomai tavallud ba idorai sabti nom meraftaand, tabiist, ki ruzi daqiqi tavallud dar yodashon namemondaast, az in sabab, yak sanaero takhminan menavishtaand. Agar nasli man va buzurgtarhoro tahqiq kuned, mebined, ki ruzi tavalludi aksariyat takhmini yakum, panjum, dahum, bistum va digar ruzhoi davr muqarrar shudaast. Ruzi tavalludi banda ham, ki bistum ast, shoyad az hamin silsila boshad.

Oilai solim jomeai solim meguyand

Oilai mo misli aksari khonavodahoi digari deha serfar- zand bud. Hukumati SHuravi baroi tavalludi har farzand pul va medol medod va modaroni serfarzand az imtiyozhoe ham bar- khurdor budand. Tibqi urfu odati derina, farzand baroi oila quvvai kori hisob meshud va padaroni serfarzandro «boyu badavlat» mekhondand. In du omil ba ham omada, sababgori serfarzandii oilaho shuda bud.

Dar oila mo dah farzand budem. Du khohar va hasht barodar. YAk khoharkalon doram va yak khohari khurdi, se barodari kalonu chor nafar khurd. Mutaassifona, zamone, ki man in satrhoro menavisam, du barodari kalonam ba rahmati haq payvastaand. Hudovand zindagii boqimondagonro baqo bakhshad.

Man bo khohari kaloniam – Ibodat, barodari yak zina az man kaloni – Abduhalim(r) va yak zina khurdi – Abdulhakim aloqa va robitai beshtar doshtam. Barodari buzurgam Abdunaim(r) 6 sol az man buzurgtar buda, beshtar bo hamsolonu dustoni khu- dash aloqa dosht. Abdumajid – barodari digaram, ki du sol az u khurdtar ast, kasalmand ast. Barodaroni digari khurdiyam Abdujobir, Abdurahim va Abdushofe va khoharam Inobat ba sol az man khele khurdtarand va in fosilai sinnusoli ba nazdikii mo kame asar guzoshtaast. Onho ba man hamchun barodari buzurg bo ehtiromi khosi panjrudi munosibat mekunand va fosila nigoh medorand. Munosibati bayni odamon dar Panjrud ba sin- nu sol rabti qavi dorad. Kasoni ba sol az khud kalonro hatman ehtirom mekunand va fosila nigoh medorand, kalonsolon dar navbati khud vazifadorand, ki baroi az khud khurdtarho namunai odobu akhloqi nek boshand.

Padaram mutakhassisi zaminshinos (geolog) budand va kor- khonaashon dar kuhhoi mintaqa ba koftukobi madanhoi zeri- zamini mashgul bud. Ba farq az digar mardoni deha, ki dar kolkhoz kor mekardand yo dar maktabi deha dars medodand, joyi kori padaram dur az khona, dar nohiyai Ayni bud va az in sa- bab on kas dar hafta panj shabonaruz dar kor budand va tanho ruzhoi shanbevu yakshanbe dar khona huzur doshtand. Padaram maoshi khub megiriftand va zindagiyamon khele khub bud. On kas shakhsi kamgap, jiddi va bosalobat, baroi mo farzandon yak namunai ibrat budand. Mo hama farzandon, haroyina say mekardem, ki padar az mo rozi boshand va in angezai asosii mo baroi khuddori az korhoi nomatlub va sayu kushish dar korhoi khub bud. Badtarin jazo baroi mo on bud, ki padar az yagon kori badi mo ogoh shavand. YAk nigohi padar kofi bud, ki mo bolu par barorem yo garqi obu araq gardem.

Umuman, naqshi shakhsiyati padar dar oilai tojik, dar tar- biyai farzand khele muhim ast. Jomeai tojik padarsolor buda, fitrati azaliyash imkon dodaast, ki in omil baroi tarbi- yai oilavii farzand ba tavri shoyoni tahsin istifoda shavad. Modari tojik az padar baroi farzandon namuna mesozad va onro chun yak abzori tarbiyavi khele muassir istifoda mebarad. Voqean, in omil baroi tarbiyai nasle, ki davlat niyoz dosht, khizmati arzanda kardaast va az millati tojik yak quvvai khubi tavlidkunandai ashyoi khomi mavridi niyozi davlat sokhtaast. Agar imruz, ki taqozoi zamon digar shudaast, dar oilai tojik donishmehvari namuna shavad, ba zudi modari tojik nobigaho ba dunyo khohad ovard!

Modaram ba istilohi onzamona «sohibkhonazan» budand. Tamomi tashvishi ruzgor ba dushi eshon bud. To zamone, ki mo dastyor shudem, amaku tagohoyam ba kori khona yori mekardaand. Vaqte mo dastyor shudem, modaram korhoi khonaro beshtar ba mo farmuda, khudashon rohbari mekardand.

Honai mo dar Panjrud 3-4 sotikh zamini nazdihavligi dosht. Dar yak kunjash bogi sebu zardolu doshtem va qismati digarashro baroi ruyondani sabzavotu polezi istifoda mekardem. Ajib on bud, ki agar az hamin 3 sotikh zamin 1-1,5 sotikhash zeri darakhton boshad, az on 1,5-2 sotikhi digar mo tamomi ziroati mavridi niyozi oilaamonro baroi kulli sol tamin mekardem.

Porui chorvoi khonagiamonro har sol dar yak kunji zamin anbor karda, ba ruyash khok kashida memondem, ki on to soli digar pusida tayyor meshud. Bahoron, pesh az hama bo farmoni padar va zeri nazari modaram mo tamomi zaminro porupush mekardem. Zanbarro az poru pur karda, dar sartosari zamin qator-qator merekhtem. Baroi man, ki bachai kamquvvat budam, porukashoni khele sakht bud. Zanbari vaznin az dastam meaftid va borho hadafi sarzanish qaror giriftaam.

Umuman, ravandi tarbiya dar oilai tojik tavrest, ki to sinni maktabi nozi bacharo mekashand va nozdona parvarish me- kunand. Vale taqriban, pas az shash-haftsolagi tamomi korhoi sanginro ba dushash meguzorand va az u hamchun yak quvvai korii tom istifoda karda, obutob medihand. In siyosati khubest, ki ham etimod ba nafsi kudakro dar khurdi nameshikanad, ham hangomi navrasi uro obutob doda, ba sakhtkushi qarin megardonad.

Bad az porukashoni, poruro pahn namuda, zaminro yakchand bor pobel mekardem, to ki khok bo poru omekhta va elpa shavad. Dar Panjrud khoki narmro, ki baroi kisht omoda ast, elpa me- nomand. Agar in khokro ba kaf bigired, on ba dast namechaspad. Sipas, palho sokhtavu juyakho kashida, piyozu sabzi, kartoshkavu lablabu, bodiringu pomidor, rayhonu kashnizu shibit va di- gar ziroati mavridi niyozi khonadonamonro mekoridem. Az in zamini khurd mo on qadar hosili khub megiriftem, ki baroi tamomi sol merasid. Man yod nadoram, ki bore ham baroi khona az bozor piyozu sabzivu kartoshka kharida boshem.

In qitai zamin dar peshi ayvoni khonaamon joygir bud. Juyaku palho ba tarzi khos tarrohi meshudand, ki az didanash kas lazzat meburd. Inchunin oson shudani obyorivu korkardi badi niz ba nazar girifta meshud. Bayni palho rohrav guzoshta, ka- norash juyak kashida, lablabuvu shalgam koshta meshud, ki ham ba pal dastrasi boshad va ham az on chize ruyonda shavad.

Modaram gulro khele dust medorand. Dar nazdi khona yak juyaki daroz mekashidem va modaram dar on gulu jorubu lubiyo meshi- nondand, gulhoi zebovu khushbuy onchunon havliro oro medod, nakhatashon onqadr khush bud, ki hanuz ham az mashomam naraf- taast. Jorube ham, ki modaram mekoshtand, guli zeboe dosht va khele khushbuy bud. Qadi in niholhoi jorub baland meshud va lubiyohoi dar bekhi har yaki in jorubhoi khushbuy shinondashuda ba on pechida, hamel-hamel meva meandokht. Tiramoh niholhoi jorubhoro daravida, az onho dastahoi jorub mesokhtand, ki az jorubhoi bozor kamie nadosht va har ruz, ki khonaro jorub meza- dand, bui khushash darmeomad. Az hamon yak juyaki daroz modaram ham khonaro bo jorub tamin mekardand, ham chand khaltai khurd lubiyo mechidand, ki onro khushk karda, dar tuli sol dar gizo istifoda mekardand. Murchu qalanfur, rayhonu shibitu kash- nizro niz, ki «bugzor» menomidand, ba andozai kofi khushk va zakhira karda, dar ugurcha mekuftand va dar khaltachaho girifta, dar sutuni ayvon ovekhta memondand, ki baroi khushbu kardani gizo dar tamomi sol istifoda meshud.

Tavre ki zikr shud, dar zamoni SHuravi zanhoero, ki mis- li modaram, ba kori davlati va yo korhoi kishovarzii kolkhoz band nabudand, «sohibkhonazan», yane bekor menomidand. Vale modaram ba istilohi khudashon baroi sarkhori vaqt nadoshtand. SHustushuy, pukhtupaz, toza kardani khonaho kori eshon bud. Bo in hama serkori tozagii mo az nazarashon dur namemond, az nokhuni po to mui sar hamaro nazorat mekardand, ilova bar in, begohho bazan davat karda darshoi moro ham az nazar meguzarondand. Hele havsala doshtand!

Albatta, korhoi kishovarziro mo mekardem, ammo rohbarivu nazorat dar nabudani padaram az tarafi modaram anjom me- shud, ki dar in korho niz tajribavu malakai kofi doshtand. Voqean, ba manoi tomash, sohibkhonazan budand.

Dar Panjrud padaru modarone budand, ki farzandoni khud- ro bo zadan tarbiya mekardand. Ba nazaram, bachahoe, ki az sui volidonashon lat meshavand, bo hissi kambudi etimod ba nafs buzurg meshavand. Man bore ham zarbi zadani padar yo modarro ehsos nakardaam… Na! Faromush kardam, yak bor yak shappoti az padaram khurdaam. In voqea in tavr ruy doda bud: Man dar khurdi khele nozparvard, ba lahjai panjrudi «erka» budam. Padaram raisi bakhshi korkhonai zaminshinosi budand va moshini khizmatii borkash doshtand. Ruzhoi okhiri hafta, ki mamulan, padaram dar khona budand, man lahzae az on kas judo nameshudam. Va ruzi dushanbe, vaqti ba kor raftanashon talosh mekardam, ki maro hamroh barand.

Bore, vaqti ba kor raftanashon man to nazdi moshin az pasashon davida raftam. Padaram maro bardoshta busidand va kanori roh guzoshta, ba moshin savor shudand. Vaqte mo- shin ravon shud, man, ki az padaram judo shudan namekhostam, giryakunon davida ba charkhi moshin chaspidam. Ronanda favran moshinro bozdosht. Padaram ba shast az moshin faromada, maro az charkh kanda girifta, yak shappoti ba ruyam zadand. Digar dodu figoni maro haddu kanor nabud. Padaram in dafa maro dar bagalashon to nazdi darvozaamon burda, busida, orom karda mondand va bargashta raftand. Juz in digar hech goh padar yo modaram ba man dast nabardoshtaand.