MIELIT

MIELIT (Myelitis; yun. myelos – magzi ustukhon), iltihobi harommagz. M. yakumin va duyumin meshavad. M.-i yakuminro virushoi neyrotrop ba vujud meorand. M.-i duyumin nisbatan mamul buda, hangomi bemorihoi siroyati – gripp, surkhcha va g. padid meoyad. Angezandai bemori va zahri onho ba harommagz vorid gashta, mujibi iltihob va tagyiroti on meshavand. Hamzamon pardai harommagz, reshachaho va tanai asabhoi on niz oseb meyoband.
M., odatan, ba tavri shadid khuruj mekunad: haror. badan baland gashta, bemor tablarza menamoyad, sustu beholat meshavad, bisyor vaqt nishonahoi ba sarsom monand padid meoyand. Bad az chand soat yo 1 – 2 ruzi ogozi bemori alomathoi osebi harommagz ba mushohida merasand, mas., falaj, ikhtiloli ehsosot va faoliyati uzvhoi kos.
M. tadrijan shifo meyobad. Avval hasosiyat va faoliyati uzvhoi kos barqaror shuda, sipas dastu poyho ba harakat medaroyand. M.-ro az sklerozi muntashir, osebi harommagz, khususan saktai on, farq kardan lozim ast.
M.-ro dar bemorkhona tabobat mekunand: antibiotikho, sulfanilamidho, doruhoi gormoni, antigistamini, peshobron, vasekunandai rag va g. Toza nigoh doshtani rakhti khob va pusti bemor ahamiyati kalon dorad. Ruze chand marotiba ba pust spirti kofur molida, bemorro az nim ba nim gardondan lozim ast. Dar asnoi molish khurdani pust va paydo shudani yagir az afkanishoti ultrabunafsh, mahluli 5% permanganati kaliy va dig. vositahoi tabobat istifoda mekunand.
Peshomadi bemori ba darajai vazninii on vobasta ast. Dar muddati 6 mohi bemori behtar nashudani holi mariz nishonai khub nest. Ba jarayoni M. khususan pnevmoniya, sistit, pielonefrit tasiri bad merasonand.

O. H. Huseynov.