LOGOPEDIYA

LOGOPEDIYA (az yun. logos – kalima va paideia – tarbiya namudan), sohai pedagogika, ki shaklhoi gunoguni nuqsoni nutqro omukhta, usulhoi peshgiri va islohi onro daryoft mekunad. L. qismi tarkibii defektologiya ast.
Nuqsoni nutq, mas., laknati zabon, khirrigi, manqagi dar natijai tarbiyai nodurusti madaniyati nutq yo illati modarzodi uzvhoi nutq ba vujud meoyand. Az in ru, logoped (omuzgore, ki nutqro isloh mekunad) va dukhtur dar rafi nuqsoni nutq, odatan, hamkori mekunand. Bazan kudakro az saqavi tanho bo yorii mashqhoi logopedi najot dodan mumkin ast.
Islohi nuqsoni nutqi kudakro az khurdsoli sar kardan lozim ast. Zero to ba maktab raftani u nutq boyad saheh gardad. Dar bogchahoi bachagon guruhhoi tayyori tashkil shudaand, ki bachagonro ba maktab omoda mekunand (dar in guruhho ba inkishofi nutqi onho diqqati jiddi doda meshavad); baroi kudakoni nutqashon nuqsdor bogchayu maktabhoi makhsus, bemorkhonayu punkthoi logopedi mavjudand. Bahri mustahkam kardani natijahoi dar bemorkhona ba dast ovarda nutqi kudakro minbad muntazam mashq boyad dod. Az in sabab dar mashguliyathoi kushodai bemorkhona volidaynro ba mashqhoi odii logopedi shinos mekunand. Boyad dar khotir dosht, ki nutqi kudakro harchi barvaqt isloh kunand, natijaash hamon qadar khub meshavad.