GIDRADENIT

GIDRADENIT (Hydr(o)adenitis; az yun. hidros – araq va aden – gadud), iltihobi rimnoki gadudhoi araq. Odatan, dar zeri bagal, bazan dar chatan va nazdi nof ba vujud meoyad. Aksar vaqt ba G. odamoni seraraq giriftor meshavand. Ba paydoishi bemori zaif gardidani organizm, pukhtanu osebi pust (mas., hangomi chidani mui zeri bagal), inchunin rioya nakardani qoidahoi behdosht, ki boisi ba majroi gadudhoi araq aftodani mikrobhoi rimovar megardad, musoidat menamoyand. Bemori khele tul kashida, zud-zud avj megirad va mumkin ast jarayoni muzmin kasb kunad. Hangomi G. avval dar zeri pust yak yo chand donachai dardnoki nakhudmonand paydo shuda, tadrijan to ba andozai chormagz merasand. Bisyor vaqt iltihob nasji charbii zeri pustro niz faro megirad. Pusti rui gadudi illati surkh ast. Dar barobari dardi sakht bazan odamro tablarza girifta, vazi umumii organizm bad meshavad.
Hangomi paydo shudani G. hatman ba dukhtur murojiat kardan zarur ast. Inkishofi minbadai iltihobi ramnok metavonad boisi dumbal gardad. Dar in mavrid bemorro jarrohi mekunand. Jarrohi ba pahn shudani gazak va paydoishi orizahoi noguvor (limfadenit, ufunat, dabila) roh namedihad.
Baroi peshgirii avji G. ba bemor istemoli nushokihoi spirti, taomhoi tundu tez qatiyan man ast; u boyad shiriniro kam istemol namoyad. Gizoero, ki miqdori farovoni vitaminhoi A, S, E va ohan (sabzi, karam, seb, gujummeva, nastaran va g.) dorad, bisyor istemol kardan zarur ast. SHarti asosii peshgirii G. rioyai qoidahoi gigienai shakhsi va muolijai seraraqi meboshad.