Darmana dar Kanzi SHifo (Kitob)

Darmana (russ. Darmina) — in giyohest qadash qarib ba balandii shibit, barghoyash reza va bisyor nozuk, rangi barghoyash bazan sabzi moil ba zardi va baze guyo dar ruyash gubor dorad va khokistarrang ast. Gulash safedi moil ba pushti va guli zardash ham mavjud ast. Darmana navhoi kuhi va sahroi dorad. Mizojash garm va khushk dar darajai sevum va ba qavli baze tabibon — dar darajai duvum khushk ast. Darmana in Takhach (Artemisia absinthium — Darmanai rumi —Afsantin) nest.

Hislathoi shifobakhshi on: inro bikhurand, girehhoi uzvhoi badanro mekushoyad, balgamro mekanad, bodhoro tahlil medihad, akhloti murdorro bo ishol daf menamoyad, moddahoi nodarkor va zararnokro ba vositai peshob az badan berun meronad, hamai navhoi kirmro az meda va rudaho ikhroj mekunad.

Agar inro biyoshomand, baroi gazidani gunda va kajdum, inchunin bar ziddi hamai zahrhoi tarmizoj taryoq meshavad; dushvorii nafasro isloh megardonad, orugro daf mekunad; dardi rudaho, dardi surin va tabhoi murakkabro shifo mebakhshad. Miqdori khurdani on bar ziddi tasiri zahrho to 10,5 gramm va baroi bemoriho to 7 gramm ast. Vale ba darun istemol kardani darmana ba meda va asab zarar dorad, dardi sar medihad — davoi in zararhoyash mustako istemol kardan ast. Ba joyi darmana ba hamon vazn talkhshuvoqro istemol namoyand, ravo meboshad.

Darmanaro pukhta, bo on garmbandi kunand va batakror onro bimoland, baroi dardi chashm, ki sababash ziyod gashtani balgam boshad va digar varamhoi galiz doru meshavad, ba sharte ki ba vositai istemoli davoi dakhldor badanro az balgam tanqiya karda boshand pesh az istemoli in. Dar bobati tanqiya mo dar okhiri muqaddimai in kitob sukhan rondem.

Hokistari in giyohro bo ravgani zaytun yo ravgani savsani safed va monandi onho khamir sokhta, ba johoi girdak-girdak muyrekhtai sar va rish guzoshta bandand, doru meboshad va ba zudi dar on joyho muy meruyonad. In khokistarro biposhand, reshhoi khurandaro shifo mebakhshad.

Az darmana ravgan ham tayyor mekunand ba in tariq. Dar zarfi shisha to nimaash ravgani kunjidi nav andokhta, daruni onro az giyohi tari darmana pur mekunandu ba oftob meguzorand. Dar muddati shash ruz quvvat va rangi on ba ravgan meguzarad. On darmanai beranggashtaro fishurda partofta, az nav darmanai digar pur mekunand va hamin tavr to shash marotiba darmanaro ivaz menamoyand. Bad fishurda, ravganro sof menamoyand — in ravgani darmana hisob meyobad.

In ravganro bikhurand, baroi illathoi dushvorii nafas, daf kardani larzi tabho, bemorihoi az khunuki baamalamada, varami meda, istisqo (vodyanka), ikhroj kardani kirmhoi shikam, gazidani kajdum va gunda, inchunin ruyonidani gushti solim dar zakhmho davo meboshad.