BOBOJON

Boboi Abdukholiqi man soli 1888 tavallud shuda, 88 sol umr dida, soli 1976 vafot kardaand. On kas pisari Zarifi Panjrudi, naberai Bobo Huseyn budaand. Nomi padari Bobo Huseyn niz Abuhuseyn budaast va ba u nomi padarashro guzoshta budaand. Nomi pushti digarii mo Abulhasan budaast. Hamin tavr, man pisari Abdulhamid, naberai Abdukholiq, abe- rai Boboi Zarif, chaberai Bobo Huseyn, kaberai Abuhuseyn, nadidai Abulhasani panjrudiyam.

Az qavli boboyam dar «Donishnomai Rudaki» rivoyate sabt shudaast, ki chil nafarro az khonadoni mo az avlodi Rudaki zikr karda, nomi chand nafarro, ki bo nomi Ustod ogozi hamgun do- rand, misol ovardaand.

Boboi Abdukholiq shash pisar va se dukhtar doshtand. Nomi pisaronashon Abdulhomid, Abdulhamid, Abdunabi, Abdulma- lik, Abdulaziz va Abdulmaiz, nomi dukhtaronashon Matlab, Rafoat va Ismoat bud, ki az in bayn holo tanho amaki az hama khurdiam Abdulmaiz barhayotand. Hudo bar umrashon biyafzoyad va raftagonro rahmat kunad.

Bibii padarii man Holbibi Muhammadyusuf nom doshtand. Soli 1972 dar 65-solagiyashon vafot kardaand. Dar kudakiyashon padarashon favtidaast va modarashon, ki Qumri nom doshtaast, shavhar kardaast. Amakashon mullo Abdurasuli Zakun, ki dar Bukhoro amaldor budaast, bibiyamro girifta, kalon kardaast. Nomi Mullo Abdurasul dar kitobi «Tarikhi inqilobi fikri dar Bukhoro»-i Sadriddin Ayni zikr shudaast. Qissai ba nomi u chaspondani laqabi «Zakun» in ast, ki yake az nazdikoni uro dar Samarqand hukumati Rusiyai podshohi zindon karda budaast. Mullo Abdurasul vakil girifta, qonunan begunohii nazdi- kashro isbot va uro az habs ozod kardaast. «Zakun» talaffuzi vayronshudai vojai «zakon»-i rusi ast, ki manoyash qonun meboshad. Mardumi Bukhoro u bo «zakun» nazdikashro ozod kard gufta, ba u hamin laqabro chasponda budaand.

Soli 1976 vaqte ki boboyam darguzashtand, man 9-sola budam. Mo uro «Bobojon» meguftem. Bobojon qomati baland va mavzun, rishi kutoh va chehrai zeboi nuroni doshtand. Sarulibosashon ba rasmi mardoni darai Kishtud, az kurtavu shalvori safed va ruypushi yaktah dar tobiston va jomai garm dar zimiston iborat bud. Hamesha kalushu mahsii khirom pushida, aso badast girifta megashtand. Hotirahoi man az boboyam beshtar lahzavist. Lahzahoi shirini subhonakhuri bo on kas, shukhihoya- shon bo bibiam, aspsavoriashon dar khotiram mondaast. Vale az zaboni kalonsolon dar borai boboyam baze chizhoro shunidaam, ki onhoro hikoyat mekunam.

Dar zamoni bachchagii man dar Panjrud asp nishonai doran- dagi bud. Bo omadani moshin asp ahammiyati khudro hamchun vo- sitai savori az dast doda boshad ham, bazeho asp doshtand. Bo- bojon hamesha asp doshtand va in sunnat to imruz dar khonadoni mo nigohdori meshavad. Dar darai Kishtud asphoi khonadoni mo hamesha yake az behtarinho budand. Man du aspi Bobojonro yod doram, ki hardu tozi va mashhur budand. YAke aspi kabud bo kholhoi tangamonandi safed va duvumi samandi tillorang. Inho hardu asphoi tozii sarkashu chamush budand va dar tavi- la nigahdori meshudand va ba mo ijozat namedodand, ki har vaqt khohem, onhoro savori kunem. Aspi kabud hanuz dar zamoni zindagii Bobojon murd, vale aspi samand bad az darguzashti Bobojon ham, solhoi daroz hamchun yodgori az u dar khonadoni mo mond.

Man az bachchagi ba aspsavori shavq doshtam. Beshak, dar muhabbati man ba asp gayr az aspdorii khonadonamon, dostonhoi qahramonii usturahoi millii mo niz naqsh doshtaast, chun- ki dar aksari onho asp yake az yoroni bovafoi qahramonon ba qalam doda shudaast. Masalan, Rakhshi Rustam yak namodi dustii sodiqonai bayni aspu sohibash buda, khonandaro maftuni in jonvar megardonad.

Tobistonho aspdoroni Kishtud, asphoi khudro ba charogoh sar medodand. Man bo amakbachchavu ammabachchahoyam, ki niz shavqi aspsavori doshtand, aspero doshta, yak resmoncharo ba dahonash chun lajom andokhta, pushti luch savor shuda, tabi dil aspdavoni mekardem.

Dar davrahoi gunogun, hukumati SHuravi borho molu mulki odamonro musodira kardaast. Dar zamoni jangi solhoi 1941­1945 yak aspi Bobojoni maro niz musodira kardaand va qissai in asp khotirmon bud. Meguftand, ki in yak aspi badkhuy budaast, ki ba gayr az boboyam kasero ba nazdash roh namedodaast. Boboyam on aspro khele dust medoshtaand va khohishi pisaronashonro, ki onro ivaz kunand, namepaziruftaand.

Rivoyat mekardand, vaqte ki mardi ruse baroi musodira va burdani asp omad, ba andomi asp larza aftod, az badkhuivu amoli tarsafkani on chize namond. Mardi rus aspi sarkashro ba misli yak khari rom az ogil barovarda, lajom zadu savor shuda raft. Mavlonoi Rumi farmuda:

CHu dil dili nanamoyad, jigar chi sud kunad…

Buzkashi dar zamoni bachchagii man khele maruf bud. Aspdo- ron bo asphoi khud hamesha dar in marakaho ishtirok mekardand va asphoro ba buzkashho, ki onhoro «chovandoz» menomand, doda, khudashon havodori mekardand. Buzkashi yak bozii berahmona buda, dar on chovandozho loshai buzro az zamin bardoshta yo az dasti hamdigar dar rafti davi asp kashida girifta, ba mar- ra rasonda, dar joi muayyane mepartoyand va joiza megirand. CHovandozho libosi gafsi makhsus mepushand, zero in yak bozii khatarnok va osebrason ast.

Amakam naql kardand, ki bore boboyam dar yak buzkashi ba pisarashon guftaand, ki aspro burda ba chovandoz dihad. Pi- sarashon bargashta guftaast, ki chovandoz dar falon asp savor budu nakhost aspi moro savori kunad. In ba izzati nafsi boboyam rasida, on kas ba sinni boloyashon nigoh nakarda, be libosi makhsus ba asp nishasta, du bor paiham barandai on musobiqa shudaand.

Dar solhoi siyum vazi khonavodahoi Panjrud khele bad bu- daast. Mardum az noiloji baroi yoftani quti loyamut ba mar- dikori meraftaand. Boboyam yak ruz dar rohi bargashtan ba deh amakbachchaashonro vomekhurand, ki hamrohi chand nafari digar az deh baromada meraftaand. Vaqte az maqsadi onho ogoh mesha- vand, ki ba mardikori ravonand, az rui asp bo yak harakati dast pisaramakashonro ba pushtashon rui asp savor karda, «holo man namurdaam, ki kheshbachchai man ba mardikori ba dari mardum ravad», gufta ba khona meorand va ba u chandto buzu gusfand doda, ba rama chupon mekunand va meguyand:

– In chand sar mol haqqi tu, agar khonaat tang ast, nimi kho- naamro mediham, ruzgoratro hamin jo obod kun, dari khonai mardum mardikori narav!