BLENNOREYA

BLENNOREYA (Blennorrhoea; az yun. blennos – luob va rhoia – jori shudan), bemorii siroyatii luobparda (multahima)-i chashm, ki ba on ikhroji fasodi ziyod khos ast. Barangezandai B. beshtar gonokokkho meboshand. Dar mavridi B. pilki chashm varam karda, bagoyat gafs va pustash surkh meshavad, hangomi az had ziyod varam kardan, rangi on meparad.
B.- i navzodon, kudakon va kalonsolon bayni khud tafovut dorand. Kudakoni navzod vaqti tavallud az modaron siroyat meyoband. Modarone, ki giriftori suzokandu qoidahoi behdoshti sanitariro rioya namekunand, bemorii khudro ba kudak meguzaronand. Nishonahoi avvalini B. dar kudakon badi tavallud (dar ruzhoi 2 – 3) paydo meshavand: odatan, hardu chashm barobar illat meyobad. Avval chashm surkh shuda, konyunktivai pilk varam mekunad; rui konyunktiva sufta buda, hangomi dast rasondan, zud khunshor meshavad. Pas az 3 – 4 ruz konyunktivai pilk gafs va durusht gashta, konyunktivai guzai chashm varam mekunad; az chashm fasod meravad. Dar in davra bemori ba qarniyai chashm niz pahn megardad. Dar surati sarivaqt chora naandeshidan, siroyat andaruni guzai chashmro niz faro megirad va boisi sar zadani panoftalmit meshavad.
Goho dar navzodon bemorii ba B. monand niz rukh menamoyad, ki angezandai on gonokokkho nestand. Dar hujayrahoi pusti konyunktiva, odatan, unsurhoe paydo meshavand, ki trakhomaro ba khotir meorand. Jarayoni in bemori nisbatan sust buda, qarniyai chashmro faro namegirad.
B. ba kalonsolon, odatan, az dasti iflos meguzarad va tanho yak chashmi onho illatnok meshavad. Jarayoni bemori nisbatan vaznin ast. davrai nihonii on 1 – 2 ruz davom mekunad.
Dar mavridi ba B. gumon doshtan, favran ba dukhturi chashm murojiat kardan lozim ast. Agar muolijai B.-ro sari vaqt sar kunand, kudakon badi 3 – 5 ruz va kalonsolon badi 8 – 12 ruz shifo meyoband. Hangomi B. chashmi illatiro bastan joiz nest, zero in baroi afzoishi angezanda sharoiti musoid faroham meorad. Baroi peshgirii B.-i navzodon bemorii suzoki modarro tabobat kardan lozim ast.