BERNAR

BERNAR (Bernard) Klod (12.7.1813, Sen-Jyulen, nazdiki Vilfransh – 10.2. 1878, Parij), fiziolog va patologi fransavi, yake az asosguzoroni fiziologiyai muosir va patologiyai tajribavi, azoi AI dar Parij (1854). S. 1839 Donishgohi Parijro khatm karda, dar laboratoriyai F. Majandi ba kor shuru kard, s. 1854 dar donishgohi mazkur rohbari kafedrai fiziologiyai umumi bud, s. 1686 rohbarii kafedrai fiziologiyai muqoisaviro dar Muzei tarikhi tabiatshinosi ba uhda dosht. S. 1843 kitobi avvalinashro oid ba anatomiya va fiziologiyai asabi tarashshuhi gadudi obi dahon ba tab rasond; pajuhishhoi minbadaash ba faoliyati gadudi zeri meda va ahamiyati on dar hazmi ravgan, glikogen hosil kardani jigar, shirai meda va ahamiyati on dar tagziya (risolai doktori) bakhshida shudaand. B. mubodilai angishtobhoro omukhta, isbot kard, ki dar tanzimi on jigar va sistemai asabhoi markazi ishtirok dorand. B. isbot namud, ki dar magzi darozruya markazi tanzimi mubodilai angishtobho mavjud ast va dar mavridi osebi on qand ba vositai peshob khorij meshavad. S. 1853 B. vazifai harakatovarii sistemai asabi simpatiro kashf namud, ki dar gardishi khun dar uzvhoi badan shirkat mevarzad. Bo aqidai B. hama guna padidahoi hayot sababhoi moddi doshta, asosi onhoro qonuniyathoi fizikiyu khimiyavi tashkil medihand.