Сияхак

Сияхак (Сиёхак ё Часпак) — Инро мумкин аст гуфтан, ки мушунги гайрихуроки мебошад. Ин гиёхест, ки дар миёни гандумзор ва наск меруяд, гулаш кабуд. Пояаш ба растании дигар такя намуда месабзад. Гилофи тухмаш монанди гилофи тухми мош аст, донааш хам кариб ба андозаи мош, вале сиёх ва сахт мебошад. Дар тиб хамон донааш ба кор меравад. Ба забони русси онро «Подмаренник» меноманд.

Хислатхои шифобахши Сияхак: ин ба шиддат тахлилдиханда ва гардонандаи варамхои хеле сахти шадид, инчунин мулоимкунандаи онхост. Чун тухми онро рад карда, бо сиркои об омехта хамир карда, хашт соат дар офтоб бигузоранд ва баъд бо оби холис сиришта, ба варамхои бисёр сахт ва дарднок гузошта банданд, онхоро тахлил медихад ва дардашонро хам дафъ мекунад.

Огох кунем, ки сиёхак гизои бадфиол аст, агар бихуранд, бод ва кулинчи бодиро пайдо мекунад. Дар ин холат сиркоро бо ширини даромехта биёшоманд, зарараш ислох меёбад. Бинобар бад будани истеъмолаш ба дарун, мизочи инро нагуфтем.