Умри инсони чист?
Силаи раҳм умр афзояд,
Ҳам ризои Худо аз ӯ зояд.
Низ тавқир[2] кардани пирон,
Низ бо ҳеҷ кас изо марасон.
Ҳам талаб кун дуо зи ҳар некон,
То ки умрат диҳад Худои ҷаҳон.
Ҳам дарахте, ки ратбу тар бошад,
Аз буридан-ш дар ҳазар бошад.
Ҳам вузуро пагоҳ созад ӯ,
Субҳхезӣ ба хеш созад хӯ.
Ин ҳама умрро тавил[3] кунад,
Иллату дардро қалил[4] кунад.
[1] Мутаввилот – дароз, тӯлдода шуда.
[2] Тавқир – ҳурмату эҳтиром намудан.
[3] Тавил – дароз.
[4] Қалил – кӯтоҳ.