Теги: Тиб

МЕТАГОНИМОЗ, як навъ бемории киҷҷавист аз гурӯҳи трематодозҳо. Ангезандааш – Metagonimus yokogawai. Дарозии гелминт 1,0 – 2,5 мм мешавад; дар рӯдаи борики саг, гурба, баъзе ҳайвоноти ваҳшӣ ва одам зиндагӣ мекунад. Ҳомили мобайнии онҳо нармбаданҳои оби ширин, ҳомилони иловагӣ бошанд, моҳиҳои дарёҳо (зағорамоҳӣ, гулмоҳӣ ва ғ.) мебошанд. Одам ҳангоми истеъмоли …

МЕТАМОРФОПСИЯ (Metamorphopsia; юн. metamorpho[sis] – табдил ёфтан ва opsis – биноӣ), дарки нодурусти андоза ва шакли ашё ба воситаи чашм. Ғалат дидани андозаи ашё мумкин аст ҳангоми ихтилоли татобук ба мушоҳида расад. Инҳироф (таҳриф)-и шакли ашё яке аз аломатҳои ноҷӯрӣ дар мавзеи доғи зарди шабакияи чашм аст. Ин гуна беморонро …

МЕТАН CH4, гази ботлоқӣ, , як навъ карбогидрид. М. гази сӯзанда, берангу бӯй; t ҷӯш. – 164,5°С, t гуд. – 182,5°С, зичиаш нисбат ба ҳаво 0,554 (20°С); ҳангоми бо ҳаво якҷоя шудан (дар сурати ба 5 – 15% расидани консентратсия), омехтаи тарканда ҳосил мекунад. М. қисми таркибӣ ва асосии газҳои …

МЕТАСТАЗ (Metastasis; ба маънои гузариш, ҷойивазкунӣ), манбаи дуюми беморӣ, ки дар натиҷаи аз манбаи якуми он ба организм паҳн гаштани омили бемориовар (ҳуҷайраҳои омос, ангезандаи сироят ва ғ.) пайдо мешавад. Вобаста ба тарзи густариш М.-ҳои лимфагенӣ ва гематогениро фарқ мекунанд. Аз рӯи тасаввуроти ҳозира М. густариш (диссеминатсия)-и ҳуҷайраҳои омоси бадфарҷомро …

МЕТГЕМОГЛОБИНЕМИЯ, дар таркиби хун афзудани миқдори метгемоглобин (зиёда аз 1% аз миқдори умумии гемоглобин). Метгемоглобин ҳосилаи гемоглобин буда, қобилияти интиқоли оксигенро надорад. М. модарзодӣ ва ғайримодарзодӣ мешавад. М.-и ғайримодарзодӣ дар натиҷаи тамос бо моддаҳои химиявӣ (оксидкунандаҳо, баъзе ҳосилаҳои бензол, анилин, оксидҳои нитроген ва ғ.), заҳролудӣ аз доруҳо (фенасетин, викасол, доруҳои …

МЕТГЕМОГЛОБИНУРИЯ, дар таркиби пешоб вуҷуд доштани метгемоглобин. Пешоб бояд орӣ аз метгемоглобин бошад. Дар сурати пайдо шудани он пешоб ранги сурхи ба хун монанд мегирад. М. бисёр вақт ҳангоми гемолизи шадиди дохилирагӣ, баъзе шаклҳои камхунии гемолизӣ, заҳролудӣ аз доруҳо (фенасетин, кодеин) ва моддаҳои химиявӣ (анилин, нитробензол) ба назар мерасад. Пешомади …

МЕТЕОРИЗМ (Meteorism; юн. meteorismos – дамидан, бардоштан), боди шикам, дамиши шикам, тимпания, бо сабаби дар роҳи гувориш ҷамъ шудани газҳо дамиш кардани шикам. Дар роҳи ҳозимаи одами солим ба ҳисоби миёна 900 см3 газ мавҷуд аст, ки барои дар як сатҳ боздоштани тонус ва перисталтикаи рӯдаҳо аҳамияти калон дорад. М. …

МЕТИОНИН (Methioninum), як навъ дору. Барои рушду инкишофи организм зарур аст. М. таъсири липотропӣ дорад, яъне равғани барзиёди ҷигарро дур месозад, дар кори ҳосилшавии адреналин, креатин ва диг. пайвастҳои фаъоли биологӣ иштирок мекунад, таъсири ферментҳо, гормонҳо ва витаминҳоро меафзояд, моддаҳои заҳрнокро безарар мегардонад. М.-ро ҳангоми бемориҳо ва заҳролудии ҷигар, майзадагии …

МЕТРЕЙРИЗ (Metreurysis; юн. metra – бачадон ва euryno – васеъ кардан), яке аз усулҳои ҷарроҳии акушерӣ. Дар мавриди М. ба ҷавфи бачадони бордор баллони резинӣ (метрейринтер) ворид сохта, онро бо маҳлули изотонии хлориди натрий пур мекунанд. Ба бачадон ворид сохтани метрейринтер ба боз гаштани гарданаи бачадон мусоидат намуда, фаъолияти зоданро …

МЕТРОСАЛПИНГОГРАФИЯ (Metrosalphungographia; юн. metra – бачадон, salpinx, salpingos – найча ва grapho – навиштан), гистеросалпингография, яке аз усулҳои тадқиқи рентгенологии бачадон ва нутфароҳа; қабл аз М. бачадон ва нутфароҳа аз гарданаи бачадон бо моддаи контрастӣ карда мешавад. Ҳамзамон бо ин агар ба ҷавфи шикам газ равона созанд, пас ин амалро …