Теги: Таъбири хоб

Меъроҷиддини Камол менависад: Пашша худ, к-аз хирагони олам аст, Дар ҳама давру замон бо одам аст. Гар ба хобат бинӣ онро, хайр кун, Чунки рамзи нотавониву ғам аст.

Меъроҷиддини Камол менависад: Агар дар хоб бинӣ пуштаҳову марғзоронро, Шукуфтанҳои гулҳои базеби навбаҳоронро, Нишонаш молу ҳолу қуввату дармони ту бошад, Худо такрор созад бар ту дидан хоби ёронро.

Меъроҷиддини Камол менависад: Дар хоби хушат агар, ки парвоз намоӣ, Ҳам гирди замин гардӣ чу мурғони ҳавоӣ. Таъбир сафар кардану бемориву марг аст, Хуб аст, набинӣ дуи охир ба гадоӣ.

Меъроҷиддини Камол менависад: Почаи гусфанд бинӣ вақти хоб, Неъмати дунё биёбӣ беҳисоб. Почаи гове ба хоб ояд туро, Давлату савлат биафзоят туро.

Меъроҷиддини Камол менависад: Чу дар хобат бубинӣ хеш побанд. Нишонаш бӯсаву алфози чун қанд. Агар побандҳо бисёр бинӣ, Далелаш неъмату анвор бинӣ.

Меъроҷиддини Камол менависад: Агар обе бубинӣ пур зи моҳӣ, Ки наздаш меравӣ шому пагоҳӣ, Далелаш будӣ дӯкону хазина, Ва иҷрои ҳавасҳо, ки ту хоҳӣ.

Меъроҷиддини Камол менависад: Дар хоби хушат олу харидан некӯ, Ҳам хӯрдани он бувад давою дору. Таъбири дигар тавонгарӣ, дороӣ, Ҳам сӯҳбати мастона ба ёри дилҷӯ.

Меъроҷиддини Камол менависад: Дар хоб ҳангоми баҳор, Бинӣ ту оҳу, шеру мор. Таъбир андар вақти кор, Гардӣ зи чанде қарздор.

Меъроҷиддини Камол менависад: Дар хоб бинӣ олимон. Аз сад бало ёбӣ амон. Вақте бубинӣ камбағал, Дарде набинӣ дар амал.

Меъроҷиддини Камол менависад: Дар хоб оҳанги сабо Бар гӯш ояд чун дуо. Рӯзи дигар як хушхабар, Бишнида гардӣ шодтар.