Комрон.инфо
Дар пойтахти Қирғизистон Бишкек эътирозгарон бинои маъмурияти президент ва парлумонро забт карда, президенти собиқи ин кишвар Алмазбек Отамбоевро аз маҳбас раҳо карданд, ки қаблан бо иттиҳоми фасод ба 11 сол маҳкум шуда буд. Эътирозгарон инчунин раҳоии сарвазири собиқ Сапар Исаковро аз колония таъмин карданд.
Тибқи иттилои расонаҳои қирғизӣ, издиҳоми тазоҳургарон чанд мансабдор ва сиёсатмадори қирғиз, аз ҷумла раҳбари ҳизби Бутун Қирғизистон Адухан Мадумаровро латукӯб кардаанд.
Пас аз мусодираи Кохи Сафеди президентӣ дар Бишкек, эътирозгарон дар он ҷо оташ заданд.
Эътирозҳо дар Бишкек пас аз эълони натиҷаҳои интихоботи парлумонӣ оғоз шуд, вақте маълум шуд, ки ҳеҷ яке аз аҳзоби мухолиф дар парлумон намояндагӣ нахоҳанд кард. Аз ҷумла, шикасти ҳизби сотсиал-демократи Қирғизистон бо сарварии писари президенти собиқи ин кишвар Сейитбек Отамбоев эълом шуд. Эътирозгарон лағви натиҷаҳои интихоботро талаб карданд, бо нерӯҳои амниятӣ даргир шуданд ва сипас биноҳои ҳукуматиро забт карданд.
Президенти собиқи Қирғизистон Алмазбек Атамбаев соли 2019 боздошт шуд, дар ҳоле ки собиқ сарвари ҷумҳурӣ ва ҳомиёни ӯ муқовимат нишон доданд. Соли 2020 Отамбоев ба 11 сол маҳкум шуд, аз унвонҳо ва мукофотҳои давлатӣ ва инчунин молу мулк маҳрум карда шуд.
