МУТИЗМ

МУТИЗМ (Mutismus; лот. mutus – гунг, лол), ҳолати маризиест, ки бемор ба суолҳо посух намедиҳад ва ҳатто бо имову ишора намефаҳмонад, ки хоҳиши сухан гуфтан дорад ё не. М. бисёр вақт баъди лат хӯрдани майна, осеби вазнини рӯҳӣ, сӯхтор, фавти шахси наздик ва ғ. падид меояд. Ҳангоми М. нутқ вуҷуд надорад, ҳол он ки қобилияти ҳарф задан ва шунидани сухани дигарон халал намеёбад.
М.- ро дар шароити бемористон муолиҷа мекунанд.