МӯРДШАВИИ НОХУН

МӯРДШАВИИ НОХУН, иллати нохун аст, ки бинобар тамос доштан бо ишқорҳо, кислотаҳо, нафт ва ғ. пайдо мешавад. М. н. дар бонувоне, ки нохунҳояшонро ранг мекунанд дар натиҷаи осеб ёфтан, таъсири лок, атсетон, ксилол ва ғ. ба амал меояд. Нохунҳои иллатӣ устувории худро гум карда, аз андак таъсирот реза мешаванд. Бештар канори озоди нохунҳо, баъзан қабати болоии онҳо мешиканад.