МОНОСИТҲО

МОНОСИТҲО (аз моно… ва юн. kytos – зарф, дар ин ҷо ҳуҷайра), яке аз шаклҳои ҳуҷайраҳои сафеди бедонаи хун – агранулоситҳо. М. дар мағзи устухон ба вуҷуд меоянд; одатан ядрои лӯбиёшакл ва ситоплазмаи сустбазофилӣ дорад. М. дар хуни мӯътадили одам 4 – 8%-и лейкоситро ташкил медиҳанд. Андозаи М. 12 – 20 мкм аст. М. қобили фагоситоз буда, аз хун ба бофта мегузаранд ва ба микрофагҳо табдил меёбанд.