Моддаи 64-и Кодекси Андоз. Қатъ гардидани ўҳдадории андоз
Дар ҳолатҳои зерин ўҳдадории андоз қатъгардида ва қарзи андоз пардохтшуда ҳисобида мешаванд:
-ба таври дахлдор иҷро гардидани ўҳдадории андоз ва пардохти андозҳо, фоизҳо ва ҷаримаҳо;
-гузаштани мўҳлати даъво аз рўи ўҳдадории андоз, ки Кодекси мазкур муқаррар намудааст;
-муфлис эътироф шудани андозсупоранда дар ҳолати нокифоя будани молу мулки он, агар бо қарори суд тартиби дигаре пешбинӣ нашуда бошад;
-фавти шахси воқеӣ дар ҳолати мавҷуд набудани вориси ҳуқуқӣ ё меросхўр;
-фавтида эълон шудан, бедарак ғоиб ё ғайри қобили амал эътироф шудани шахси воқеӣ ҳангоми мавҷуд набудан ё нокифоя будани молу мулки вай;
-аз ҳисоб баровардани ўҳдадории андозтибқи тартиби муқаррарнамудаи Кодекси мазкур.