МИЕЛОГРАФИЯ

МИЕЛОГРАФИЯ (Myelographia; юн. myelos – мағзи устухон ва gpapho – навиштан), рентгенографияи ҳароммағз баъди ба фазои зеранкабутиявӣ ворид намудани моддаи рентгеноконтрастӣ. Ба сифати моддаи рентгеноконтрастӣ (рангбахш) газ (оксиген, закиси нитроген) ё доруҳои йоддори махсус кор фармуда мешаванд. М. ҳангоми ташхиси омоси ҳароммағз ва пардаи он, чурраи диски байни мӯҳраҳо, часпидагӣ зимни арахноидит муҳим аст. М. радиоизотопӣ низ мешавад.