МАРВАЗӣ

МАРВАЗӣ, Абдурраҳмон Ҳасани Қуттонии Марвазӣ (с. тав. ва ваф. номаълум), табиб, риёзидон ва мунаҷҷими а. 12 форс-тоҷик. Дар ш. Марв таваллуд ёфта, таҳсили илм кардааст. М. оид ба тиб «Расоил фи-т-тиб» (Рисолаҳо роҷеъ ба тиб), «Китобу-р-равзот фи-л-ансоб» (Китоб оид ба насабҳо) ва диг. асарҳо эҷод намудааст. Вай дар асарҳояш усулҳои ташхис ва табобати бемориҳои замони худ ва тарзи истифодаи онҳоро байн мекунад. М. оид ба нуҷум «Шинохта фи-л-ҳайот» (Дар боби омӯзиши илми астрономия) ном асар низ эҷод кардааст.