МАКРОФАГҲО

МАКРОФАГҲО (аз юн. макро… ва фаgos – хӯранда), полибластҳо, ҳуҷайраҳои табиаташон мезенхимавии организмҳои зинда, ки бактерияҳо, боқимондаи ҳуҷайраҳои фавтида ва диг. зарраҳои барои организм бегона ва заҳрнокро дошта ҳазм менамоянд. Истилоҳи «М.»-ро с. 1982 И. И. Мечников ба илм дохил кардааст. Ба М. моноситҳои хун, гистиосити бофтаҳои пайвандӣ, ҳуҷайраҳои эндотелияи мӯрагҳо (синусоидҳо)-и узвҳои хунофар, баъзе ҳуҷайраҳои ҷигар, ҳуҷайраҳои девораи алвеолаҳои шуш ва девораи шикампарда мансубанд.