ЛИПОМА

ЛИПОМА (Lipoma; юн. lipos – чарбу ва oma – омос), омоси ғайрисаратониест, ки аз бофтаҳои чарбу инкишоф меёбад. Бештар дар занҳо дар синни 30 – 50-солагӣ ба вуҷуд меояд. Л.-ҳо бисёр вақт саршумор буда, ба таври симметрӣ ҷой мегиранд. Диаметри Л. 5 – 10 см (баъзан бештар) мешавад. Л.-и сатҳӣ (зерипӯстӣ) мулоим буда, ҳаракат мекунад; дард надорад.
Л.-ро бо ҷарроҳӣ табобат мекунанд. Фарҷоми беморӣ хуб аст, вале ҳангоми пурра гирифта напартофтани он мумкин аст ягон ориза ба вуҷуд ояд. Ниг. низ Омосҳо.