Главная / Ҷамъият / Овехтани либос дар назди тиреза ҷарима дорад!

Овехтани либос дар назди тиреза ҷарима дорад!

Дар шаҳри Душанбе – пойтахти Ҷумҳурии Тоҷикистон барои овехтани либосу палос дар назди утоқҳои (хонаҳои) худ ки ин метавон тиреза ва ё айвон (балкон) бошад ва он ба берун намоён бошад ҷарима дар ҳаҷми аз 500 то 2000 сомонӣ муқаррар карда шудааст.

Қоидаи нав аз оғози соли 2018 инҷониб ҳукми қонуниро пайдо кард ва мақсади он ба шаҳр додани зебогии шаҳри мебошад.

libos-730x480«Ба маълумоти Шумо мерасонем, ки тибқи қонунҳои амалкунандаи Ҷ.Т., аз он ҷумла Кодекси манзили Ҷ.Т. ва Маромномаи сокини пойтахт овехтани либосҳо дар балкон ва тирезаҳо қатъиян манъ карда шудааст. Барои риоя нагардидани қоидаҳои истифодабарии биною манзилҳои истиқоматӣ, нигоҳубини онҳо тибқи моддаи 449 КМ ҶТ ба шахсони воқеӣ ба андозаи аз 500 то 1000 сомонӣ ва ба шахсони мансабдор аз 1500 то 2000 сомонӣ ҷарима таъин карда мешавад.”

Maruf Muhiddin, як корбари Фейсбук дар гуруҳи «Ахбор барои афкор” акси як эълонеро, ки дар биноҳои истиқоматии шаҳри Душанбе овехтаанд, нашр кард.

Дар ин эълон маъмурияти Муассисаи минтақавии рақами 116-уми ноҳияи Синои шаҳри Душанбе сокинонро ҳушдор медиҳад, ки бар асоси муқаррароти Кодекси манзил ва Маромномаи сокини пойтахт дар балконҳо ва тирезаҳо овехтани либос қатъиян манъ буда, барои назорат як комиссияи доимамалкунанда алакай ба кор шуруъ кардааст. Дар ин эълон ба сокинон ҳушдор дода мешавад, ки барои овехтани либосҳо дар балкону тирезаҳо онҳоро метавонанд ба маблағи аз 500 то 1000 сомонӣ ва агар соҳиби манзил мансабдор бошад, аз 1500 то 2000 сомонӣ ҷарима бубанданд.

Матни ин эълон чунин аст:

ТАВАҶҶУҲ!!!

Ба маълумоти Шумо мерасонем, ки тибқи қонунҳои амалкунандаи Ҷ.Т., аз он ҷумла Кодекси манзили Ҷ.Т. ва Маромномаи сокини пойтахт овехтани либосҳо дар балкон ва тирезаҳо қатъиян манъ карда шудааст.

Бинобар ин аз Шумо эҳтиромона хоҳиш менамоем, ки қонунҳои шаҳрдориро риоя намуда, аз овехтани либосҳо дар балкон ва тирезаҳо худдорӣ намоед.

Барои гузаронидани рейдҳои муштарак аз мақомотҳои дахлдор комиссияи доимамалкунанда таъсис дода шуда, ба кор шуруъ намудааст.

Барои риоя нагардидани қоидаҳои истифодабарии биною манзилҳои истиқоматӣ, нигоҳубини онҳо тибқи моддаи 449 КМ ҶТ ба шахсони воқеӣ ба андозаи аз 500 то 1000 сомонӣ ва ба шахсони мансабдор аз 1500 то 2000 сомонӣ ҷарима таъин карда мешавад. Сокиноне ки такроран қоидаҳои шаҳрдориро вайрон менамоянд, аз тарафи мақомотҳои дахлдор мавод тартиб дода шуда, ба ҷавобгарии маъмурӣ кашида мешаванд.

Сокинони мӯҳтарам, шарафу ифтихори бузург аст, ки мову шуумо сокини шаҳри Душанбе, пойтахти ҷумҳурии соҳибистиқлоли Тоҷикистон ҳастем.

Маъмурияти муассисаи минтақавии рақами 116-уми н. СиноТел 2 37 25 51, 909 09 73 17

Загрузка...

Дар борамон Meg S

Инчунин кобед

emomali-rahmon

Раисҷумҳури Тоҷикистон, Владимир Путинро бо зодрӯзаш табрик намуд

Эмомалӣ Раҳмон, раисҷумҳури Тоҷикистон ба Владимир Путин шахсан занг зада бо зодрӯзаш табрик намудааст.  Бино …