КОРТИЗОЛ

КОРТИЗОЛ, гормони глюкокортикоидӣ. Табиати стероидӣ дорад. К.-ро қабати беруни (қишр)-и ғадуди болои гурда зери таъсири гормони адренокортикотропӣ (АКТГ) ҳосил менамояд. К. танзимгари мубодилаи карбогидратҳо дар организм аст. Он ҳамчунин дар инкишофи аксуламалҳои стрессӣ ширкат меварзад. Миқдори К. хусусан пагоҳирӯзӣ зиёд мешавад (бегоҳирӯзӣ миқдори он дар организм нисбатан кам хоҳад шуд). Вазифаи К. дар организм маҳфуз доштани захираи энергетикӣ аст. Он дар ҳуҷайраҳои ҷигар дар шакли гликоген захира мегардад.