Главная / Илм / КОБУЛОВА София Мирзотошевна

КОБУЛОВА София Мирзотошевна

nophotoКОБУЛОВА София Мирзотошевна (30. 03. 1932, ш. Хуҷанд – 30. 04. 2002, ш. Душанбе), духтури кӯдакон, доктори илми тиб (1982), проф. Хатмкардаи ДДТТ ба номи Абӯалӣ ибни Сино (1956). Ординатори клиникии кафедраи бемориҳои кӯдакони факултаи муолиҷавии ДДТТ (1956 – 58), мудири шӯъбаи Беморхонаи клиникии кӯдакони № 2 (1959), сардухтури ошхонаи таомҳои ширии кӯдакони ш. Душанбе (1959 – 60), ассистенти кафедраи таълими бемориҳои кӯдакон бо курси педиатрияи госпиталӣ (1960 – 69), мудири кафедраи таълими бемориҳои кӯдакон (1969 – 74), мудири кафедраи педиатрии госпиталӣ (аз 1974) ва ҳамзамон мудири кафедраи бемориҳои кӯдакони № 1-и факултаи муолиҷавии ДДТТ (1995 – 2002). Доир ба хусусиятҳои ҷараёни гломерулонефрит дар кӯдакон дар шароити Тоҷикистон тадқиқот бурдааст. Муаллифи 217 асару мақолаҳои илмӣ, аз ҷумла 14 дастурамали методӣ, 7 тавсияи методӣ, 6 тавсияи навоварӣ, 25 кашфиёт. Таҳти роҳбарии ӯ дар кафедра 8 маҷмӯа оид ба «Бемориҳои стафилококкӣ дар кӯдакон» ба табъ расонида шудаанд, 6 наф. рисолаи номзадӣ ҳимоя кардааст. Иштирокчии конфронсҳои илмии умумииттифоқӣ. Бо ташаббуси К. соли 1988 Съезди 3-юми духтурони кӯдакони Тоҷикистон баргузор гашт. Узви ҳайати таҳририяи маҷаллаҳои «Здравоохранение Таджикистана» ва «Педиатрия», раиси Ҷамъияти духтурони атфоли ҶТ буд.

Загрузка...

Дар борамон Anvar

darksider_5@mail.ru

Инчунин кобед

planet

ЗАМИН – САЙЁРАИ СИСТЕМАМ ОФТОБӢ

Сабабҳои тағйирёбии фаслҳои сол. Аз курси табиатшиносӣ мо медонем, ки Офтоб ин маркази системаи офтобии мо …