КИСЛОТАИ ГЛУТАМИНАТ

КИСЛОТАИ ГЛУТАМИНАТ (Glutamic acid), як навъ дору. Дар шакли ғуруша ва қурс (таблетка) истеҳсол мешавад. Барои табобати саръ, шизофрения, психозҳо, афсурдарӯҳӣ, заъфи рӯҳӣ, бехобӣ, рафъи оқибатҳои сарсом ва энсефалит, миопатия, таъхири инкишофи рӯҳӣ, фалаҷи майнаи кӯдакон, рафъи оқибатҳои осеби ҷумҷума, полиомиелит, бемории Даун ва ғ. кор мефармоянд. Дар давраи табобат ба К. г. таркиби хун ва пешобро мунтазам санҷидан лозим аст.