КАСРУФ

КАСРУФ (Ferula eugenii), каструф, растаниест бисёрсолаи худрӯй. Баландиаш то 1 м; пояи ғафс, барги мураккаби пармонанд, чатргули гетероморфӣ, гули зардтоби майда дорад. Дар тамоми умри худ як маротиба гулу мева (май – июн) карда, пас тамоман нобуд мешавад. Фақат дар мавзеи Кондараи водии д. Варзоб, дар нишебиҳои регу санглох ва алафзори шиблак (1200 – 1500 м аз с. б.) вомехӯрад. Пояи наврустаи онро (то гулшукуфт) ба монанди ров, рошак мехӯранд. Онро ғизои сервитамину доруворӣ (мушаҳҳӣ) меҳисобанд.