Главная / Илм / КАҲЧИМ

КАҲЧИМ

kahchimКАҲЧИМ (Allochrusa paniculata), хасғелак, гиёҳест бисёрсола. Дарозии тиррешааш аз 30 то 70 см. Пояаш борики сершох (25 – 100 см қад мекашад), баргаш нештаршакли бехор (дарозиаш 1 – 3 см), гулаш майдаи сафед ё гулобӣ, тухмаш майдаи сиёҳ. Моҳҳои июн – июл гул карда, ғӯзааш моҳҳои август – октябр мепазад. Дар нишебиҳои доманакӯҳҳо ва теппаҳо мерӯяд. Решаи онро, одатан, баъди гулшукуфт мекананд.
Дар тибби мардумӣ қиёми К.-ро ҳамчун доруи пешоброн, арақрон, балғамовар (ҳангоми бронхит, сулфа) ва беҳсозандаи мубодилаи моддаҳо тавсия медиҳанд. Қиёми решаи онро дар мавриди бемориҳои гуногуни роҳҳои нафас ба сифати доруи балғамрон ва чун доруи исҳоловар истифода мебаранд. Нақеъи он хосияти зиддимикробӣ дорад.
Ад.: Ковалева Н. Г., Лечение растениями, М., 1972; Турова А. Д., Лекарственные растения СССР и их применение, М., 1974; Гаммерман А. Ф., Гром И. И., Дикорастущие лекарственные растения СССР, М., 1976; Ходжиматов М., Дикорастущие лекарственные растения Таджикистана, Д., 1989.

Загрузка...

Дар борамон Anvar

darksider_5@mail.ru

Инчунин кобед

Лисейи Хилол

Лисейи “Ҳилол” дар ш. Душанбе

Лисейи ҲИЛОЛ ё худ онро низ гимназия ҳам меноманд, аз солҳои 2000-ум фаъолият намуда талабагонро …