ЙОДИНОЛ

ЙОДИНОЛ (Iodinolum), як навъ дору; антисептик барои молидан ба пӯст. Маҳлули обӣ (1%) буда, таркиби он аз 0,1 г йод, 0,3 г йодиди калий, 0,9 г спирти поливинилӣ иборат аст. Дар шишачаҳо (100 мл) гирифта мешавад.
Й.-ро барои муолиҷаи тонзиллити музмин, отити римнок, бемориҳои римноки ҷарроҳиталаб, захмҳои варикозӣ, сӯхтагии ҳароратӣ ва химиявӣ кор мефармоянд. Дар натиҷаи истифодаи бардавоми Й. йодизм инкишоф меёбад.