ИНТУБАТСИЯ

ИНТУБАТСИЯи хирной ва бронхҳо (аз лот. in – ба дарун ва tuba – ғулба, қубур), бо мақсади кушодани роҳи нафас ба хирной ва (ё) бронхҳо ворид сохтани найи интубатсиявӣ. И.-ро дар мавриди карахтсозии умумӣ (наркоз) ҳангоми ҷарроҳиҳои гуногун, хусусан дар сурати мавҷуд будани хавфи ба роҳи нафас афтодани хун ё мӯҳтавои захм, кор мефармоянд. И.-и хирной барои ҳаво гирифтани шуш шароити мусоид фароҳам меорад, хавфи дар гулӯ дармондани забонро пешгирӣ мекунад.