ИНСИДЕНТАЛОМА

ИНСИДЕНТАЛОМА (анг. incident – ногаҳон), омоси ғадуди болои гурда, ки аломатҳои болинии он падид намеоянд. Бисёр вақт ногаҳон дар вақти муоинаи бемориҳои дигар ошкор карда мешавад. И. зуҳуроти махсус надорад, вале бо вуҷуди ин дар беморон гипертензияи шараёнӣ ба мушоҳида мерасад, ки далел ба муоинаи аниқу дақиқ аст. И.-и қутраш то 3 см мавриди назорат қарор дода мешавад. И.-и қутраш калонтар аз 5 см-ро ҷарроҳӣ мекунанд (адреналэктомия).