Главная / Илм / ИНИВ

ИНИВ

inivИНИВ, чашмаи минералии обаш сард дар ноҳ. Ишкошим. Тақр. 88 км дуртар аз маркази ноҳия дар баландии 2770 м аз с. б. воқеъ аст. Оби чашма аз ду ҷой мебарояд. Дебиташ 0,7 – 0,9 л/сон. Мавзеи чашма шибарзамин аст. Ҳарор. обаш +18 – +190С, минералнокиаш – 4,5 г/л. Оби чашма газнок буда, ба назар «ҷӯшида» меистад. Дар таркиби он ангидриди карбон (1310 мг/л), кислотаҳои силикат (65 – 68 мг/л), метаборат (184 мг/л), натрий (457 мг/л), калсий (259 мг/л), калий (77,0 мг/л), магний (69 мг/л), гидрокарбонатҳо (1421 мг/л), хлоридҳо (500 мг/л), сулфатҳо (142 мг/л), инчунин оҳан, никел, фтор, бром, молибден, сурб, литий ва руҳ мавҷуданд. Оби чашмаро барои ошомидан ва ба шакли обзан (ванна) баҳри муолиҷаи бемориҳои узвҳои ҳозима, пиелонефрити музмин, бемориҳои санги пешобдон, ихтилоли мубодилаи моддаҳо ва ғадудҳои эндокренӣ истифода бурдан мумкин аст. Вобаста ба таркиби химиявӣ ба обҳои минералии Зваре, Муаши (Гурҷистон), Ессентуки ва Сойминск (Закарпатия) шабоҳат дорад.
Ад.: Бобоходжаев И. Я., Давлатмамадов Ш. М., Лечебные минеральные источники Памира, Д., 1994.

Рабство

Дар борамон Anvar

darksider_5@mail.ru

Инчунин кобед

pompeo

Помпео бо вазирони корҳои хориҷии Озарбойҷон ва Арманистон гуфтушунид мекунад

Котиби давлатии ИМА – Майкл Помпео эълом дошт, ки музокирот рӯзи 23 октябр баргузор мешавад. …