ИДИ КАСБИИ КОРМАНДОНИ ТИББИ ТОҶИКИСТОН

ИДИ КАСБИИ КОРМАНДОНИ ТИББИ ТОҶИКИСТОН, ҳар сол 18 август қайд карда мешавад. Бо қарори Раёсати Шӯрои Олии ҶТ аз 4 апр. 1994 таҳти №229 тасдиқ карда шудааст. 18 авг. зодрӯзи олими бузурги тоҷик, файласуф ва ҳаким Абӯалӣ ибни Сино мебошад. И. дар тамоми муассисаҳои тандурустии ҷумҳурӣ таҷлил мегардад, конфронсу семинарҳо, мусобиқаҳои варзишӣ, озмунҳои гуногун баргузор мешаванд. Яке аз рукнҳои ҷашн гузоштани гулчанбар ба пояи муҷассамаи Шайхурраис аст, ки аз ҷониби Вазири тандурустии ҷумҳурӣ, ректори ДДТТ ба номи Абӯалӣ ибни Сино ва диг. намояндагони муассисаҳои тиббӣ сурат мегирад.