ГУЛАНГУБИН

ГУЛАНГУБИН, ҷуланҷубин, як навъи гулқанд. Тарзи тайёр кардани Г. ҳам айнан мисли гулқанд аст, аммо ба ҷои шакар асал меандозанд. Вазни асал сечанд, ниҳоят чорчанди вазни гул аст. Баъзеҳо аввал гулқанди камшакар тайёр карда,баъд ба он асал илова мекунанд, ки ин ҳам нек аст. Г. хуштаъм, хушбӯй, хушхӯр ва гуворост. Тибби Шарқ Г.-ро «ба ҷиҳати тақвияти меъда, дил ва димоғ нофеъ» медонад.