ГЕМИАНОПСИЯ

ГЕМИАНОПСИЯ (Hemianopsia; аз юн. hemi – нисф ва opsis – чашм, босира), маҳдуд шудани доираи назар. Дар аснои нуқси роҳи босира ба мушоҳида мерасад (ҳангоми омоси мағзи сар, осеби ҷумҷумаю майна ва ғ.). Г. якҷинса ва гуногунҷинса мешавад. Дар вақти Г.-и якҷинса тарафҳои якхелаи доираи назари ҳар ду чашм – рост ва чап маҳдуд мегардад. Барои Г.-и гуногунҷинс маҳдудияти доираи назари дохилӣ ва ё берунии ҳар ду чашм хос аст. Г. аломати асосии ташхисӣ – топографии осеби ин ё он қитъаи роҳи босира мебошад. Г. доимӣ ё муваққатӣ буда, ба тарз ва дараҷаи вазнинии роҳи босира вобастагӣ дорад.