ГАСТРИНОМА

ГАСТРИНОМА, як навъ омос, ки боиси барзиёд ҳосил гаштани гастрин мешавад. Онро синдроми Золлингер – Эллисон низ меноманд. Г. дар 90 фисади ҳолатҳо омоси саратонӣ буда, асосан дар меъда ва баъзан дар девораи рӯдаи дувоздаҳангушта пайдо мешавад. Дар натиҷаи барзиёд ҳосил шудани гастрин миқдори кислотаи хлорид (шираи меъда) меафзояд, меъда ва рӯдаи дувоздаҳангушта захм пайдо мекунад. Ба Г. бештар мардҳо гирифтор мешаванд. Г.-ро бо ҷарроҳӣ табобат мекунанд.