ГАРДИШИ ХУН

ГАРДИШИ ХУН (Haemocirculatio), ҳаракати муттасили хун дар рагҳо. Г. х. ба фаъолияти мӯътадили тамоми узву системаҳои организм, мубодилаи моддаҳо дар байни бофтаю муҳит, танзими ҳарорат ва ғ. мусоидат менамояд. Дар натиҷаи Г. х. бофтаҳо аз оксиген, об, сафеда, карбогидратҳо, равған, моддаҳои минералӣ ва витаминҳо таъмин, аз бофтаҳо гази карбонат ва диг. маҳсули зарарноки мубодила рафъ карда мешаванд. Г. х.-и одам сарбаста аст.
Ниг. низ Силсилаи дилу рагҳо.