ФАРЗ ЧИСТ?
Фарз ин Имон (боварӣ доштан) маънои бо дилу ҷон эътиқод кардан ба ҳамаи он чизест, ки Пайғамбар, алла-л-Лоҳу алайҳи ва сал–лам, аз Худои Таъоло ба мо нақл кардааст; ва ҳамчунин имони худро бо калима шаҳодат додан аст.
Дигар хел карда гуем пас “Фарз” – ин фармудаҳои Аллоҳ Таъоло, ки иҷро намудани онҳо зарур аст. Масалан, Намоз, Рўза, Закот. Иҷро накар–дани фарз ҳаром аст. Ҳар касе фарзро инкор кунад, аз имон баргашта бошад.
Асосҳои имон 6 фарз аст:
1 – Имон доштан ба мавҷудият ва ягонагии Аллоҳ.
2 – Имон доштан ба фариштагоне, ки Аллоҳ офаридааст. 3 – Имон доштан ба китобҳое, ки Аллоҳ нозил кардааст. 4 – Имон овардан ба пайғамбарони Аллоҳ.
5 – Имон доштан ба Рўзи Ҷазо ва зинда шудан баъди марг.
6 – Имон доштан ба қазову қадари нек ва бад.
Асосҳои Ислом 5 фарз аст:
1 – Тасдиқи имон – калимаи шаҳодатро ба забон рондан.
2 – Дар моҳи Рамазон рўза доштан.
3 – Ҳар рўз панҷ вақт намоз гузоридан. 4 – Ҳаҷ кардан, агар фарз шуда бошад. 5 – Ҳар сол закот додани тавонгарон.
Фарзҳои таҳорати хурд (шустушў) – вузў 4 аст:
1 – Рўйро як бор шустан.
2 – Дастонро то оринҷ шустан.
3 – Масҳ кардани чаҳоряк қисми сар.
4 – Шустани пойҳо то шитоланг.
Дар таҳорати калон – ғусл 3 фарз аст:
- Мазмаза кардани даҳон.
- Об ба бинӣ кашидан.
- Шустани тамоми бадан, то дар он ҳеҷ ҷои хушк боқӣ намонад.
Дар таяммум (бо хок пок кардан) 2 фарз аст:
- Нияти таяммум кардан.
- Ду кафро ба хоки пок зада бо он рўйро масҳ кашидан; баъд такроран зада, бо он дастонро то оринҷ масҳ кашидан.
Дар намоз 12 фарз (6-то – берун аз намоз, 6-то – дар намоз)аст:
а) шартҳои намоз (фарзҳои берун аз намоз):
1 – Аз ҳадас пок шудан: ба воситаи вузў, ғусл ё таяммум кардан аз нопокии маънавӣ – ҳадас пок шудан.
2 – Пок кардан аз наҷас: пок кардани бадан, либос ва ҷои намозгузорӣ аз нопокиҳои табиӣ – наҷасҳо.
- – Сатри аврат: бо либос пўшонидани шармгоҳи бадан. Аврат барои мардон – қисми бадан аз ноф то қисми поини зону, барои занон – тамоми бадан, ба ғайр аз рўй, панҷаҳои дастону пойҳо аст.
- – Истиқболи қибла рўй овардан ба Каъба аст.
- – Вақт – гузоридани ҳар як намоз дар вақти муайяншуда мебошад.
- – Ният – хоҳишу иродаи дохилӣ доштан барои адои на–моз аст.
б) Рукнҳои намоз (фарзҳо дар намоз):
1 – Такбири ифтитоҳ (калиди намоз): оғоз намудани на–моз бо такбир, яъне «Аллоҳу Акбар» гуфтан.
2 – Қиём: намозро рост истода гузоридан, агар барои ин монеае набошад.
3 – Қироат: хондани сураҳои Қуръони карим дар намоз.
4 – Рукўъ: хам кардани миён.
5 – Суҷуд: сарро хам карда ба замин расонидан.
6 – Қаъдаи ахир: нишастан ҳангоми қироати дуои «ат-Таҳийёт» дар охири намоз.