Главная / Маданият ва санъат / Муноҷотнома ва Дуои он

Муноҷотнома ва Дуои он

Асноди дуои «Муноҷотнома»

Нақл аст, ки: Ҳар кӣ ин «Муноҷотнома»-ро бихонад, ҳар нияте, ки дошта бошад Ҳақ субҳонаҳу ва таоло муҳимми ӯро кифоят кунад.

Ва ҳар кӣ ин «Муноҷотнома»-ро як бор хонад ва дар об дам андозад ва аз он об бихурад ва ба назди подшоҳ равад, подшоҳ бар вай иноятманд шавад.

Ва аз барои ранҷуре[1] рӯзи ҷумъа як бор бихонад ва дар об дам андозад ва аз он об бихурад, аз ҳафтод дарду балову иллат халос шавад.

duo-munojot

Ва ҳар киро баста бошанд, ин «Муноҷотнома»-ро хонад ва дар об бидамад ва он обро бинушад, дарҳол кушода гардад.

Ва ҳар ки бихоҳад, ки ҷамоли оламорои он Ҳазрат (с)-ро дар хоб бинад, бояд ки таҳорат кунад ва дар шаби ҷумъа ба нияти дуруст ва бо эътиқоди тамом ҳафт бор ин «Муноҷотнома»-ро бихонад ва дили худро ҳозир дорад ва баъд аз он хоб кунад, дар хобаш ҷамоли ҷаҳонорои он Ҳазрат (с)-ро бинад.

Ва ҳар кӣ ин «Муноҷотнома»-ро бо худ дорад, марги ӯ мисли марги пайғамбарон бошад ва аз Пули Сирот осон бигзарад ва дохили биҳишт шавад.

Ва агар дар рӯзи ҷоршанбе ва душанбе бихонад ва ба кадхудоӣ равад, фарзанди некурӯй ва некӯхӯй дар вуҷуд ояд.

Ва агар касе ҳар рӯз ҳафт бор бихонад, тавонгар гардад ба шарте, ки дар он сол ин вирдро тарк накунад ва аз ҷамеи макрӯҳот дар амони Худои таоло бошад.

Дуои «Муноҷотнома»

Бисмиллоҳи-р-Раҳмони-р-Раҳим

Илоҳӣ, Малико, Подшоҳо, ба ҳурмати сари Муҳаммад ва сирри Муҳаммад. Илоҳӣ, ба ҳурмати рӯйи Муҳаммад ва мӯйи Муҳаммад. Илоҳӣ, ба ҳурмати номи Муҳаммад ва мақоми Муҳаммад. Илоҳӣ, ба ҳурмати дами Муҳаммад ва қадами Муҳаммад. Илоҳӣ, ба ҳурмати ҷуди Муҳаммад ва вуҷуди Муҳаммад. Илоҳӣ, ба ҳурмати дили Муҳаммад ва гили Муҳаммад. Илоҳӣ, ба ҳурмати доди Муҳаммад ва ситоди Муҳаммад. Илоҳӣ, ба ҳурмати ҷамоли Муҳаммад ва камоли Муҳаммад. Илоҳӣ, ба ҳурмати қоли Муҳаммад ва ҳоли Муҳаммад. Илоҳӣ, ба ҳурмати сидқи Муҳаммад ва суди Муҳаммад. Илоҳӣ, ба ҳурмати сафои Муҳаммад ва вафои Муҳаммад. Илоҳӣ, ба ҳурмати намози Муҳаммад ва ниёзи Муҳаммад. Илоҳӣ, ба ҳурмати фасоҳати Муҳаммад ва малоҳати Муҳаммад. Илоҳӣ, ба ҳурмати фатҳи Муҳаммад ва футуҳи  Муҳаммад. Илоҳӣ, ба ҳурмати хӯйи Муҳаммад ва бӯйи Муҳаммад. Илоҳӣ, ба ҳурмати фарқи Муҳаммад ва арақи Муҳаммад. Илоҳӣ, ба ҳурмати машҳади Муҳаммад ва мушоҳидаи Муҳаммад. Илоҳӣ, ба ҳурмати халқи Муҳаммад ва хулқи Муҳаммад. Илоҳӣ, ба ҳурмати ҳиммати Муҳаммад ва ҳикмати Муҳаммад. Илоҳӣ, ба ҳурмати ишқи Муҳаммад ва сидқи Муҳаммад. Илоҳӣ, ба ҳурмати сӯзи Муҳаммад ва рӯзи Муҳаммад. Илоҳӣ, ба ҳурмати дархости Муҳаммад ва бархости Муҳаммад. Илоҳӣ, ба ҳурмати малоҳати Муҳаммад ва сабоҳати Муҳаммад. Илоҳӣ, ба ҳурмати балоғати Муҳаммад ва фасоҳати Муҳаммад. Илоҳӣ, ба ҳурмати фикри Муҳаммад ва зикри Муҳаммад. Илоҳӣ, ба ҳурмати шавқи Муҳаммад ва завқи Муҳаммад. Илоҳӣ, ба ҳурмати сурати Муҳаммад ва сирати Муҳаммад. Илоҳӣ, ба ҳурмати осоиши Муҳаммад ва ороиши Муҳаммад. Илоҳӣ, ба ҳурмати хоҳиши Муҳаммад ва коҳиши Муҳаммад. Илоҳӣ, ба ҳурмати ҳукумати Муҳаммад ва ҳашмати Муҳаммад, Илоҳӣ, ба ҳурмати ихлоси Муҳаммад ва ихтисоси Муҳаммад. Илоҳӣ, ба ҳурмати қиёми Муҳаммад ва қавоми Муҳаммад. Илоҳӣ, ба ҳурмати қууди Муҳаммад ва суҷуди Муҳаммад. Илоҳӣ, ба ҳурмати Қуръони Муҳаммад ва Фурқони Муҳаммад. Илоҳӣ, ба ҳурмати рукӯъи Муҳаммад ва хушӯи Муҳаммад. Илоҳӣ, ба ҳурмати вуқуъи Муҳаммад ва руҷуъи Муҳаммад. Илоҳӣ, ба ҳурмати ташаҳҳуди Муҳаммад ва таҳаҷҷуди Муҳаммад. Илоҳӣ, ба ҳурмати саломи Муҳаммад ва исломи Муҳаммад. Илоҳӣ, ба ҳурмати баракоти Муҳаммад ва ҳаракоти Муҳаммад. Илоҳӣ, ба ҳурмати тарафи Муҳаммад ва шарафи Муҳаммад. Илоҳӣ, ба ҳурмати басари Муҳаммад ва назари Муҳаммад. Илоҳӣ, ба ҳурмати таҳорати Муҳаммад ва туҳури Муҳаммад. Илоҳӣ, ба ҳурмати сафари Муҳаммад ва ҳазари Муҳаммад. Илоҳӣ, ба ҳурмати салоти Муҳаммад ва салавоти Муҳаммад. Илоҳӣ, ба ҳурмати фароғати Муҳаммад ва қаноати Муҳаммад. Илоҳӣ, ба ҳурмати шафоати Муҳаммад ва саховати Муҳаммад. Илоҳӣ, ба ҳурмати илми Муҳаммад ва ҳилми Муҳаммад. Илоҳӣ, ба ҳурмати нусрати Муҳаммад ва зафари Муҳаммад. Илоҳӣ, ба ҳурмати оли Муҳаммад ва асҳоби Муҳаммад. Илоҳӣ, ба ҳурмати Расули Акрам саллаллоҳу алайҳи ва саллам, ки мустаҷмаи сифоти худанд, Худовандо, ба ҳурмати зоти покат ва ба ҳурмати ягонагият ва ба ҳурмати Каломи шарифат ва ба ҳурмати ҳамин сифоти «Муноҷотиома»-и он Ҳазрат саллаллоҳу алайҳи ва саллам, ки ҳоҷоти моро ба иҷобат қарин карда, ризқҳои моро фарох гардонӣ ва моро саодати дуҷаҳонӣ каромат фармоӣ. Ва саллаллоҳу ало хайри халқиҳи Муҳаммадив-ва олиҳи ва асҳобиҳи аҷмаъин. Бираҳматика ё Арҳама-р-роҳимин.

[1] Ранҷур – бемор.

Загрузка...

Дар борамон admin

Инчунин кобед

Мазори Махдуди Аъзам дар Ҳисор /соли 1547/.

Бинокорӣ ва меъморӣ дар асри XVI

Дар санъати меъмории нимаи аввали асри XVI анъанаҳои аҳди Темурӣ идома дошт. Дар ин аср …